影片
更多
2022-11-17
77 浏览
對於日式放題店嘅記憶已經遙遠到呢…..真係去到要講「想當年」🤣🤣今次難得去食，實行要「報復式」咁食❕呢度食物款式都多，有啲海鮮、前菜、水果、甜品都可以去自助吧攞。另外，除咗啲無酒精飲品，仲有啤酒、Sake、燒酒、梅酒無限飲添，抵飲呀😆😆∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴❥ 刺身、壽司類刺身新鮮，甜蝦、帶子爽甜，三文魚充滿油香，北寄貝、赤貝爽口😊壽司size 好精緻，呢個size可以試多幾舊。三文魚、花之戀鮮甜，火灸左口魚邊、帆立貝送上黎仲係熱架❕而且壽司飯質地唔會過軟過硬，壽司醋調味啱啱好👍🏻❥ 燒物、串燒類濃濃香草味嘅羊鞍，口感唔韌、有油香，可以encore❕菠蘿燒到超甜，甜到好似啱啱搽咗糖咁。牛味香濃嘅牛舌爽彈，味道唔會過鹹。雞軟骨串燒唔乾，非常爽口😋❥ 炸物、天婦羅類小編咬咗啖脆炸貓山王，濃濃榴槤香+香脆表面～愛榴槤嘅朋友仔一定要叫嚟食呀❕芝麻雞翼外脆內嫩多汁，唔油膩👍🏻呢度嘅天婦羅蕃薯係用日式甜蕃薯仔去整，粉漿唔厚，仲甜甜地🍠另外，仲有個芝士竹輪天婦羅，食落啖啖芝香🧀❥ 煮物、一品料理類呢度有乳鴿食架🤩鴿皮薄脆，入面肉質唔
今次難得去食，實行要「報復式」咁食❕呢度食物款式都多，有啲海鮮、前菜、水果、甜品都可以去自助吧攞。另外，除咗啲無酒精飲品，仲有啤酒、Sake、燒酒、梅酒無限飲添，抵飲呀😆😆
∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴
❥ 刺身、壽司類
刺身新鮮，甜蝦、帶子爽甜，三文魚充滿油香，北寄貝、赤貝爽口😊
壽司size 好精緻，呢個size可以試多幾舊。三文魚、花之戀鮮甜，火灸左口魚邊、帆立貝送上黎仲係熱架❕而且壽司飯質地唔會過軟過硬，壽司醋調味啱啱好👍🏻
❥ 燒物、串燒類
濃濃香草味嘅羊鞍，口感唔韌、有油香，可以encore❕
菠蘿燒到超甜，甜到好似啱啱搽咗糖咁。
牛味香濃嘅牛舌爽彈，味道唔會過鹹。雞軟骨串燒唔乾，非常爽口😋
❥ 炸物、天婦羅類
小編咬咗啖脆炸貓山王，濃濃榴槤香+香脆表面～愛榴槤嘅朋友仔一定要叫嚟食呀❕
芝麻雞翼外脆內嫩多汁，唔油膩👍🏻
呢度嘅天婦羅蕃薯係用日式甜蕃薯仔去整，粉漿唔厚，仲甜甜地🍠
另外，仲有個芝士竹輪天婦羅，食落啖啖芝香🧀
❥ 煮物、一品料理類
呢度有乳鴿食架🤩鴿皮薄脆，入面肉質唔嚡，味道唔鹹。
一口牛，粒粒都俾黑椒同蜜汁包住，味道甜辣甜辣，食唔停呀😋
花膠燉鮮奶，濃奶香；花膠盛宴，厚身大大塊，滋補養顏🥰
雪花牛肉鍋真係不得了❕牛肉好大塊、唔韌又嫩滑，配埋甜甜嘅醬油湯底同蛋汁，食到雪雪聲😆
❥ 飲品、雪糕類
無限量飲品款式有好多：
凍嘅有台式嘅花茶 - 桂花烏龍、洛神花、椰青水、芒果汁、莓汁、汽水
熱嘅有咖啡、朱古力、維他命奶、黑糖薑茶、羅漢果茶、菊花蜜
啤酒都有好多款牌子，連Sake都有凍同熱👍🏻
雪糕都有好多款，當中食咗款奇異果味嘅雪條，酸甜酸甜幾開胃❕
∴∵୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴
张贴
