中華小館

营业中

休息中

平時去開灣仔，都剩係識食西餐/快餐，今日朋友帶路，去左一間古色古香嘅中菜餐廳搵食，估唔到幾有驚喜喎。侍應介紹餐廳呢期嘅特色食品，包括 “鳳凰展翅‘’ (炸黃花魚)及“包你撈起”(豬肋撈粗)，見個名幾得意，又似係幾傳統嘅懷舊菜，但個名又好似有d新煮意，加上我又鍾意食香口濃味小菜，決定聽侍應講先點呢兩個。鳳凰展翅🦈黃花魚炸得金黃鬆脆，脆口至骨頭都食到，魚味鮮，仲可以用手撕開，好玩好食。包你撈起🍝豬肋條撈粗麵，麵條夠乾身；而豬肋煮燉至用筷子輕易篤入，加埋花椒油，撈起時更香氣四溢。燒肉併叉燒🥓叉燒份量唔少，軟腍一咬即開；半肥瘦燒肉，皮脆肉鬆，入口唔覺油膩。金沙鍋巴🫓、鴛鴦蝦球🦐呢兩小碟，造型極精緻。先講金沙鍋巴，一咬就感受到鹹蛋黃嘅威力，勁鍾意濃郁鹹蛋黃味嘅我，入口充分感受到每粒脆米均沾裹到金沙，勁滿足。而鴛鴦蝦球嘅蝦肉幾彈牙，配沙律，或草莓，各有風味。呢間餐館小菜唔錯，座位都幾舒服，想食中式小菜，呢度確係酒樓以外嘅選擇。