圃公館 (已結業)

團年飯，當然要揀間有質素嘅餐廳。今日特意去到灣仔區帝盛酒店嘅圃公館，位處酒店之中，格調氣氛一流，餸菜質素同樣令人滿足。餐前小食，分別有涼伴豆腐同埋雲耳，前者味道清新豆味濃郁、而後者有著微微日式芥末作醬汁，令爽口嘅雲耳生色不少。接著係兩道烹調得甚為出色嘅小菜，先有黑椒汁野菌A5和牛粒。A5和牛粒口感極之嫩滑，牛香味濃，黑椒汁份量適可而止，既可以吊起餸菜嘅味道，又唔會遮掩和牛嘅味道。而鐵板薑蔥美國桶蠔亦係水準之作，桶蠔選料新鮮、肥美肉厚，啖啖食得出海鮮嘅鮮味，薑蔥醬汁都發揮出作用，緊緊鎖在蠔隻身上，美味非常。最後叫左一客極為矜貴嘅砂窩雲吞翅，排翅紋理整齊，份量滿足到4個人，再係我地面對係再將滾熱嘅雞湯放在翅中，一邊食到極之爽滑嘅魚翅、一邊又品嚐到真正嘅靚雞湯，絕對係雙重享受。係得酒店餐廳用膳，價格都有返咁上下，但係新張期內嘅推廣，有得即攞即用cash coupon, 計返上黎會化算得多。