影片
更多
2018-01-17
385 浏览
好耐冇食過放題啦，朋友同我講尖沙咀開咗一間酒店形式嘅放題，覺得唔錯就叫我地試吓。去到發現間放題好大間，座位好闊落，感覺真係好似去咗食酒店自助餐咁樣！價錢唔貴，新開張仲做特價添，酒店式食物，放題式價錢！餐廳除咗大堂嘅座位之外，仲有好大嘅位置間開，可以做私人派對。呢個都未算最特別餐廳仲劃分咗一個位置，俾小朋友玩，所以大小朋友嚟到都可以滿載而歸。首先講吓飲品方面，佢哋有幾個雪櫃，裝咗唔同嘅飲品同啤酒。除此之外，雪櫃後邊仲有個細細地嘅地方，放咗室溫嘅飲品。而係食物吧枱度，亦都有唔同嘅茶包、梅酒、紅棗茶、菜蜜等等，飲品加埋有幾十款，照顧唔同人既需要，總有一款係啱你！食物吧枱嗰度都幾大，真係好似酒店嘅放題咁樣，不過佢放嘅食物主要係冷盤，無物熱食，要落單叫。海鮮bar果度有凍蝦、螺同青口。Refill都幾快，長期都有食物喺度。食咗蝦同埋螺，夠凍，都幾新鮮，食落好爽口。同平時放題一樣，開好少得刺身，擺設都唔錯，有一大半碗冰係底，所以保鮮得唔錯，無腥味，新鮮！羊鞍新鮮熱辣煎起，上枱嘅時候仲係好熱，邊煎到焦焦地，所以好香口，肉質好林，唔會好大陣羶味。芝麻雞翼同榴槤炸彈雞翼炸到好脆，有芝麻嘅香味，肉質嫩滑，
去到發現間放題好大間，座位好闊落，感覺真係好似去咗食酒店自助餐咁樣！價錢唔貴，新開張仲做特價添，酒店式食物，放題式價錢！
餐廳除咗大堂嘅座位之外，仲有好大嘅位置間開，可以做私人派對。呢個都未算最特別餐廳仲劃分咗一個位置，俾小朋友玩，所以大小朋友嚟到都可以滿載而歸。
首先講吓飲品方面，佢哋有幾個雪櫃，裝咗唔同嘅飲品同啤酒。除此之外，雪櫃後邊仲有個細細地嘅地方，放咗室溫嘅飲品。
而係食物吧枱度，亦都有唔同嘅茶包、梅酒、紅棗茶、菜蜜等等，飲品加埋有幾十款，照顧唔同人既需要，總有一款係啱你！
食物吧枱嗰度都幾大，真係好似酒店嘅放題咁樣，不過佢放嘅食物主要係冷盤，無物熱食，要落單叫。
海鮮bar果度有凍蝦、螺同青口。Refill都幾快，長期都有食物喺度。食咗蝦同埋螺，夠凍，都幾新鮮，食落好爽口。
同平時放題一樣，開好少得刺身，擺設都唔錯，有一大半碗冰係底，所以保鮮得唔錯，無腥味，新鮮！
羊鞍
新鮮熱辣煎起，上枱嘅時候仲係好熱，邊煎到焦焦地，所以好香口，肉質好林，唔會好大陣羶味。
芝麻雞翼同榴槤炸彈
雞翼炸到好脆，有芝麻嘅香味，肉質嫩滑，有肉汁。榴槤炸彈好香，好鬆化，一咬即開，入面嘅榴槤肉流出來，超滑，超香，簡直係人間極品！
蘆筍炒飯
估唔到可以喺食放題嘅地方食到咁有鑊氣！佢個炒飯有蛋絲、雜菜、蘆筍同蟹子。
我哋食食吓聽到有職員拎住個鈴鈴，鈴鈴聲，原來係有乳豬出爐！！個個人都即刻行出去排隊！我都唔執輸，第一時間衝出去。
師傅會問你想要幾多件，然後即刻切。乳豬超級脆，切嘅時候卜卜聲！乳豬唔肥，都有唔少肉，食落去唔會好油膩。
雖然唔係成日都出乳豬，但係佢嘅份量好多，排親隊嘅都可以拎到，所以唔使擔心無得食。
雪糕櫃嘅雪糕都係大牌子，只要你食多幾個就可以翻本！
除咗雪糕之外，仲有好多款蛋糕甜品，包括有提拉米蘇、棉花糖蛋糕、木糠蛋糕、栗子撻等等，種類非常之多，而且唔係好甜。
朋友真係無介紹錯！係一間唔錯既放題！地方夠大，坐同食都食得舒服。職員落單同收拾都好快手！值得一讚！如果多人黎，book佢一間房開party都好正！
张贴
