Chotto Maki (廈門街) (已結業)

情人節又禁堂食，唯有外賣回家慢慢享用，左諗右諗還是最喜歡日本菜，快快手買些壽司回家，跟老公簡單地慶祝一下吧。利東街附近原來有間壽司卷物專門店，款式比較特別，平時比較少見，一於就買返屋企同老公試試。每款卷物都用紙盒包裝好，望落吸引。BLACK MAGMA餡料有吞拿魚蓉加天婦羅脆脆，面頭有鮮帶子、蟹籽、芝麻醬，食落頭感一脆一嫩，芝麻醬香濃，吞拿魚蓉鮮甜美味，估唔到芝麻醬同卷物可以咁夾，超正。CALIAFORNIA 雖然加洲卷望落比較普通，但食材新鮮，蟹柳加上沙律醬，牛油果等饀料，飯面沾滿蟹籽，整體鮮味十足，完全不用加上任何調味料進食。BEEF-IYAKI卷物每件都份量十足，有用醬油煮過的牛肉、青瓜絲、甜腐皮、牛油果等等，最特別淋上鰻魚汁調味，口感豐富，各食材味道恰到好處，互相平衡，鰻魚汁令鮮味大大提升，食一兩件已經非常滿足。