影片
更多
2010-04-20
6 浏览
與朋友閒日食晚飯, 想食一個平平哋嘅自助餐. 原本想去灣仔薔紅餐廳, 點知佢哋已經唔做半自助餐, 為免掃興, 揀咗呢一間, 貪佢$178仲有信用卡八折, 圍起約$160一位, 酒店收呢個價, 係我所知嘅最低.餐廳環境幾舒適, 座位鬆動, 約五六成客, 唔算迫. 食物方面有:三款刺身(三文魚,吞拿魚, 鱆紅魚)及壽司: 三文魚較佳, 其餘一般;凍盤海鮮: 蜆, 青口, 蝦, 翡翠螺, 煙三文魚及煙燻魚, 整體合格, 唯獨煙燻魚太鹹;兩款餐湯: 飲咗周打青口湯(因為只有青口, 唔見其他海鮮, 故名), 幾香幾滑, ok;熱盤: 食咗燒三文魚頭, 辣蟹, 辣酒螺同蒸海斑, 條斑有啲腥, 啲蟹太削, 辣酒螺好辣, 三文魚頭ok'主菜:燒牛肉, 食到第三round想試, 點知得番well-done到極嘅尾段, 結果放棄;沙律吧: 十幾廿款配料加四款醬汁任點, 由廚師幫你撈, 好正. 尤其要讚啲車厘茄, 好鬼甜.港式粉麵檔: 冇試到;甜品: 果撻仔, 迷你Tiramisu, 芝士餅, 葡撻, 豆花, 熱布甸, 芝麻糊......加埋都有十款左右, 細細件, 味道中規中矩, 唔突出, 亦唔算差.
餐廳環境幾舒適, 座位鬆動, 約五六成客, 唔算迫. 食物方面有:
三款刺身(三文魚,吞拿魚, 鱆紅魚)及壽司: 三文魚較佳, 其餘一般;
凍盤海鮮: 蜆, 青口, 蝦, 翡翠螺, 煙三文魚及煙燻魚, 整體合格, 唯獨煙燻魚太鹹;
兩款餐湯: 飲咗周打青口湯(因為只有青口, 唔見其他海鮮, 故名), 幾香幾滑, ok;
熱盤: 食咗燒三文魚頭, 辣蟹, 辣酒螺同蒸海斑, 條斑有啲腥, 啲蟹太削, 辣酒螺好辣, 三文魚頭ok'
主菜:燒牛肉, 食到第三round想試, 點知得番well-done到極嘅尾段, 結果放棄;
沙律吧: 十幾廿款配料加四款醬汁任點, 由廚師幫你撈, 好正. 尤其要讚啲車厘茄, 好鬼甜.
港式粉麵檔: 冇試到;
甜品: 果撻仔, 迷你Tiramisu, 芝士餅, 葡撻, 豆花, 熱布甸, 芝麻糊......加埋都有十款左右, 細細件, 味道中規中矩, 唔突出, 亦唔算差.
窩夫檔(waffle): 即叫即製, 新鮮出爐, 可以加荔枝肉或雜果, 好味道;
水果: 有西瓜, 木瓜同菠蘿, 應朋友推介,我淨係試咗菠蘿, 好甜, 唔錯;
雪糕: 四款, 可以甜筒加cone, 亦可以齋食雪糕, 試咗芝麻味, 唔錯, 最難得係軟硬適中, 好易刮.
咖啡奶茶都係自助, 任沖任飲. 嗰壺港式茶芯好夠濃, 有茶餐廳feel, 正.
雖然冇乜特別出眾之處, 但係衡量價錢與質素, 呢個價錢食到咁多嘢, 水準整體ok, 侍應又勤力, 都算係咁啦. 我個人就幾滿意喇.
张贴