影片
港铁湾仔站 A3 出口, 港铁铜锣湾站 A 出口
继续阅读
开饭介绍
区内受欢迎之自助餐。在舒适的环境下，宾客们能享受多款新鲜海鲜、旋转沙律、日本美食、中西热荤、朱古力蛋糕及其它精致甜点。
继续阅读
营业时间
星期一至日
07:00 - 00:00
以上资料只供参考，请与餐厅确认详情
相关文章
上年食嘅，而家先写食评。印象比较模糊，所有野无乜伏，重点龙虾都可以，不过唔好期望超好食，我食左两只左右，这个价重想点？另外熟食有鱼，蒸扇贝等都可以的。最有印象系个粥，出面自选材料比佢煲，有虾蟹等等，系自己夹的，我夹几件蟹给他，煲出来超鲜美，第一次食这么鲜美的蟹粥，蟹的精华也跑进粥里去的，可能我大乡里无食过蟹粥。咁是证明佢d蟹好新鲜，我吃了两三碗。另外我住新界，唔就脚，车钱都好咁，等下次有特价先考虑再去了。
继续阅读
上网揾到45%折估唔到真系有惊喜平价酒店竟然有龙虾食，刺身带子又好大只好新鲜㖞，猪脚姜够淋，烧羊架好好味可能平日关系冇乜人冷盘：龙虾，长脚蟹，冻虾，翡翠螺，蚬刺身：三文鱼，带子，希灵鱼，甜虾，鲷鱼汤：中汤，西汤，炖汤冻盘：芝士，沙律，火腿，烟三文鱼，八爪鱼........热荤：烧牛肉，烧羊架，猪脚姜醋，咸菜鱼，霸王鸡，咖喱，炒饭，炒杂菜，串烧，炸天妇罗，汤粉面.......甜品：雪糕，豆腐花，小蛋糕，紫米露，雪糕，鸡蛋仔，格仔饼，生果.....饮品：支装汽水，维他奶，咖啡，柠檬茶
继续阅读
星期一至四晚去食，唔使$400/一位！任食龙虾、面包蟹、长脚蟹、螺肉、蚬肉......多款海鲜，味美鲜甜，净食龙虾都值回票价！刺身有我爱嘅希灵鱼（口感爽脆）同甜虾，仲有三文鱼、吞拿鱼......呢间专整猪脚姜，有得订购，自助餐有得食就试下，果然好滑嫩，猪脚好入味，秘制姜醋好香！比较impressive嘅系有炖汤，而且唔只一款，好鲜甜！甜品有燕窝蛋挞😍同埋有部鸡蛋仔机、格仔饼机，大家可以自己玩！不过我哋拿捏唔到，最后都系靠侍应整好鸡蛋仔畀我哋😝有得任食movenpick雪糕、任饮支装汽水 / 叫侍应畀果汁、柠茶......一个你可以食回本嘅自助餐。环境舒适宽敞，设计得富丽堂皇。
继续阅读
女朋友生日，试一试利景酒店的住宿自助餐优惠。自助餐我觉得好正，刺身好新鲜，热食方面霸王鸡好好味，唔会嫰滑，我个人好钟意食忌廉薯仔。反而海鲜冷盘有惊喜。一般自助餐，龙虾，青口之类都冇味，但呢度竟然好好味，由其龙虾好厚肉好甜。另外仲有猪脚姜，木桶豆腐花同可以自制鸡蛋仔。食得好丰富又开心嘅一餐。
继续阅读
铜锣湾-利景酒店逸亭餐厅: 成人自助晚餐（某app 7折后：星期一至四：$398–>$279/五至日：$428->$300）+10%-$300食到铜锣湾酒店自助餐😱‼️位于利景酒店一楼，Gazebo面积唔算大，但麻雀虽小，五脏俱全，有多款冻海鲜包括龙虾同面包蟹、刺身有日本珍宝带子、movenpick雪糕、樽装汽水、仲可以自制格仔饼/鸡蛋仔、仲有即炸天妇罗、即烧串烧等等等等等，整体性价比不错，仲可以食足3个钟！平食Buffet好选择💪🏼-🦐 冻海鲜区有齐龙虾、面包蟹、长脚蟹、冻虾、蓝青口，密密fill完全没有空白的时间，净系食海鲜都已经回本不少。-🍣 刺身区我要大大力推介日本珍宝带子！！！鲜甜肉厚绝无欺场！另外我去果晚仲有甜虾、鲷鱼、希灵鱼及三文鱼。寿司有我最爱的芥辣八爪鱼🐙-🍦甜品区算几大，当中有自制鸡蛋仔同埋格仔饼的地方，旁边有图解，我挑战左😆结果落得唔够蛋浆，打开看似失败，但都好脆好好食，兼其实夹埋唔觉😎，我夹左个movenpick雪糕落去，好正呀！杯装movenpick雪糕有三只味，食到尾都仲大把货有得拣。另外仲有松软的斑兰蛋糕、小葡挞、燕窝炖蛋、法式泡乎、豆腐花....-🍜即煮区除左有面档，仲有即烧铁板串烧，同埋即炸天妇罗，间唔时仲有鸭肝多士！银车有烧美国西冷牛扒和羊架。说真的我觉得这个价位来说，选择算丰富。-🥗呢度一样有cold cut 芝士和沙律区，不过就唔系重点项目了。热盘区有虫草花炖鸡汤、姜醋、海鲜烩、蒸鱼、猪肋骨、咖哩等等，照顾到一家老嫩的不同需要。-🥤饮品除左茶啡柠茶柠水，呢度特别在提供支装汽水，仲可以加片柠檬做柠乐tim～～+$20仲可以任饮生啤！
继续阅读