影片
更多
2010-03-20
8 浏览
之前太興燒味有火鍋. 食過覺得湯底幾好味. 雜菌幾新鮮, d 手打丸幾好食.所以, 一知道開左間南燒北鍋, 就好有期望打電話 book 檯. 我 book 9時, 但告知我 9時半後火鍋配料有9折. 咁咪遲多半個鐘 lor.叫左個豬骨鍋, 好似有4大件豬骨. 個鍋滾左想食豬骨, 但唔 "林", 硬到唔食得. 因為只得老公同我, 我將舊豬骨擺番入個鍋再滾下. 但到我成餐食到最後, 件豬骨都仲未 "林", 最後浪費左.豬骨太大件, 就算用手拿住舊豬骨食, 都驚拿唔穩會跌落地. 真係好大件, 但係點解唔切細件 d 呢? 其他叫左三文魚刺身, 日本豚肉片, 帶子, 花姿片, 四寶丸, 油炸條蝦滑 .....9時半後, 咩餃都無, 水餃, 雲tun, 白菜餃, 魚皮餃, 總之咩餃都無.三文魚刺身, 帶子, 花姿片味道 ok 咁啦. 都係麻麻地啦.四寶丸係鯪魚, 梅菜豬肉, 墨魚, 蝦. 四者中係蝦味幾好食.油炸條蝦滑我都幾鐘意, 有蝦味.豚肉片好難食, 好鞋好硬, 唔知點食. 滾完見到個樣都唔開胃. 大家樂既豚肉仲好食過佢.叫左唔多野食, 但味道真係麻麻地, 都食剩唔少野.有甜品缽仔糕送.老公
所以, 一知道開左間南燒北鍋, 就好有期望打電話 book 檯. 我 book 9時, 但告知我 9時半後火鍋配料有9折. 咁咪遲多半個鐘 lor.
叫左個豬骨鍋, 好似有4大件豬骨. 個鍋滾左想食豬骨, 但唔 "林", 硬到唔食得. 因為只得老公同我, 我將舊豬骨擺番入個鍋再滾下. 但到我成餐食到最後, 件豬骨都仲未 "林", 最後浪費左.
豬骨太大件, 就算用手拿住舊豬骨食, 都驚拿唔穩會跌落地. 真係好大件, 但係點解唔切細件 d 呢?
其他叫左三文魚刺身, 日本豚肉片, 帶子, 花姿片, 四寶丸, 油炸條蝦滑 .....
9時半後, 咩餃都無, 水餃, 雲tun, 白菜餃, 魚皮餃, 總之咩餃都無.
三文魚刺身, 帶子, 花姿片味道 ok 咁啦. 都係麻麻地啦.
四寶丸係鯪魚, 梅菜豬肉, 墨魚, 蝦. 四者中係蝦味幾好食.
油炸條蝦滑我都幾鐘意, 有蝦味.
豚肉片好難食, 好鞋好硬, 唔知點食. 滾完見到個樣都唔開胃. 大家樂既豚肉仲好食過佢.
叫左唔多野食, 但味道真係麻麻地, 都食剩唔少野.
有甜品缽仔糕送.
老公叫左支啤酒, 我叫做杯普洱茶 (我無睇單, 唔知使唔使錢), 賣單 8 折後約 $430. 我有張飲食男女 coupon, 減多 $50. 最後簽卡係 $380.
總括而言, 真係好失望.
我覺得之前太興既雜菌湯底仲好味過南燒北鍋個豬骨鍋湯底.
要餃無餃.
豬骨同豚肉好硬, 好難食.
我唔會再去食.
想食火鍋, 都係去火井或骨煲皇好 d.
张贴