花水木日本料理 (已結業)

朋友話買咗優惠券，吹雞叫大家去食，於是一行五人去幫襯。雖然食放題，但在酒店入面果然有啲水準！食物選擇都算多，不過最緊要係好味。例如個刺身拼盤，三文魚呀海膽呀！夠新鮮，幾肥美，唔錯！燒物有啲牛仔骨、豬肉腸咁，但最鍾意係燒羊扒，夠香，唔係太羶，原本唔係好嗜羊的朋友都話可以接受。另外仲有蒸蛋，入面有啲鵝肝，蛋夠滑，鵝肝香濃，好味好味！雖然朋友話炸三文魚一般，但我覺得幾香口，如果佐酒吃應該更正！至於燒秋刀呀、燒帶子呀、金菇牛肉卷呀……都算有水準。加上侍應服務都唔錯，加上地方座位間隔都幾闊落，唔會迫迫夾夾，坐得算舒服，所以食得更加開心喇！