Outback Steakhouse (已結業)

二月十四個日中午點零鐘,係太古城個頭搵野食.同屋企人,共二大一細.行行吓去左康山個邊.初頭諗住澳門茶餐廳或樓上間越南野.點知見到outback,我就記起幾年前係灣仔食過,個次係餐廳仲見到李彩嬅,但食物好壞就唔記得.不過今次都入左去食午餐,個日叫左二個午餐,燒肋骨,燒魚同一個兒童餐(炸雞意粉).餐湯同個包都唔錯,過得去!! 至於主菜就好唔掂,燒肋骨簡直係幾支干柴,無咩肉食同埋仲勁干,份量仲好少,食完無咩隱.另外個燒三文魚都係一般,味道無咩特別,不過塊魚都仲保持到一定水份.至於個兒童餐,就有二條炸雞手指,外面有炸漿,但好咸...完全唔得,反而意粉還比較好.我們一家人,所以我可以試晒三個餐.其實今餐我覺得D食物唔值咁價錢,雖然唔係話貴(燒肋骨$78,燒魚$88,兒童餐$46連加一 共$233).最衰就係無水準,無令人覺得回味的地方.無想再食的慾望.我未至於話以後一定唔會再去,但最少有選擇都唔會去.可能過多幾年等我的記憶淡左會再去