影片
更多
2019-09-02
85 浏览
兩個月前因為參與同事嘅婚宴，同埋參加過一次跑步活動黎過啟德郵輪碼頭，因為有時間，當時都有附近行下、影影相。頂層花園可以見到整個維港景式，360度無死角，行到S區見到呢間望落幾高級嘅西餐廳。事隔多個月，見有機會再次黎到附近，就訂位試試我地喺德福坐小巴過黎，可能位置唔算市區、好方便嗰種，所以人流唔多，好處就係比較寧靜。餐廳四四正正，面積頗大，近門口位置可以見到吧枱。可能因為佢地都係小型婚宴場地，亦都會有人喺度舉辦證婚酒會，裡面佈置幾有氣氛。室內採用拱形天花設計，白色乾木配小燈泡，感覺同外面係兩個世界中間有個小舞台。晚市供應set dinner，套餐6款，都包括波士頓龍蝦田園沙律、法式龍蝦湯、主食、咖啡/茶、是日甜品。主食有蒜片欖油意粉、焗美國豬鞍、煎深海比目魚柳、焗羊架、燒牛柳扒、海鮮拼盤；基本上每款都配有香煎波士頓龍蝦，定價$288-468。事前參考過其他評價，我地決定點燒牛柳扒同四季薈海鮮大拼盤波士頓龍蝦田園沙律店員好快上左沙律，沙律菜新鮮，仲有車厘茄，調味唔多，比較健康。波士頓龍蝦鉗肉頗有彈性，帶海鮮鹹味，清新開胃。傳統法式龍蝦湯龍蝦湯味道濃郁，唔會太鹹；配上嘅麵包有少許驚喜食落香而
我地喺德福坐小巴過黎，可能位置唔算市區、好方便嗰種，所以人流唔多，好處就係比較寧靜。餐廳四四正正，面積頗大，近門口位置可以見到吧枱。
可能因為佢地都係小型婚宴場地，亦都會有人喺度舉辦證婚酒會，裡面佈置幾有氣氛。
室內採用拱形天花設計，白色乾木配小燈泡，感覺同外面係兩個世界
中間有個小舞台。
晚市供應set dinner，套餐6款，都包括波士頓龍蝦田園沙律、法式龍蝦湯、主食、咖啡/茶、是日甜品。主食有蒜片欖油意粉、焗美國豬鞍、煎深海比目魚柳、焗羊架、燒牛柳扒、海鮮拼盤；基本上每款都配有香煎波士頓龍蝦，定價$288-468。事前參考過其他評價，我地決定點燒牛柳扒同四季薈海鮮大拼盤
波士頓龍蝦田園沙律
店員好快上左沙律，沙律菜新鮮，仲有車厘茄，調味唔多，比較健康。波士頓龍蝦鉗肉頗有彈性，帶海鮮鹹味，清新開胃。
傳統法式龍蝦湯龍蝦湯味道濃郁，唔會太鹹；配上嘅麵包有少許驚喜食落香而酥脆，帶少許油份，有啲似食緊油炸鬼咁嘅感覺。
燒牛柳扒(5oz)配香煎波士頓龍蝦、甜薯條、露荀、雜菌 $438牛柳扒點左5成(好在)，感覺上有點過熟，變相對平時食開7成嘅我黎講就啱啱好，建議你地都調節一下賣相都幾吸引，分唔清主角係龍蝦定牛柳扒。
先食香煎龍蝦，龍蝦全熟，肉質扎實，都有少少鮮味，略嫌乾左啲。
牛柳扒厚身，比較難掌握時間，外皮燒到微脆，近邊會比較熟，中間口感較軟腍。牛味唔算好濃，勝在保留左少許肉汁，唔會乾柴。
墊底有沙律菜、雜菌。
薯條係用粗薯，口感香脆，不過唔覺得係甜薯，哈哈。
四季薈海鮮大拼盤 $468海鮮拼盤中有波士頓龍蝦、大蝦、藍青口、魚柳、魷魚、北海道刺身帶子、新薯，份量唔多，但種類夠多。以大盤呈上，睇落幾豐富。
龍蝦比起牛柳扒嗰隻嫩啲，而且幾多汁
帶子兩粒，輕輕煎過，幾有彈性。
大蝦大就夠大，唔算好新鮮。
魚柳微鹹，魚油多，唔錯
魷魚略嫌熟左啲。
藍青口飽滿、多汁。
是日甜品每人一份，連碟冰過，保持溫度。可惜抹茶卷一般，有幾重香精味。
餐飲點左熱檸茶、熱咖啡。
老實講，性價比唔高；餐廳環境、店員服務搭夠，至少印象係唔錯。
张贴
