Beef & Liberty (加州大廈) (已結業)

今次同成班同事一齊去食邪惡burger, 成班人浩浩蕩蕩一次過嗌左八個burger lunch set . 雖然呢度出名beef burger, 但係我又突發奇想叫咗佢哋嗰手撕豬肉burger試吓. 佢嗰手撕豬肉burger係用慢煮蘇格蘭豬肉加barbecue source , 仲有一樣好特別嘅配料，脆豬皮。我覺得幾特別，佢嗰手撕豬肉好入味加埋BBQ source,簡直係一流, 佢比平時嘅burger佢少咗一啲油膩嘅感覺。我仲偷食咗個同事嘅cheese burger, 反而cheese burger 就無乜驚喜。另外同事亦都落力推介呢度嘅番薯條，係幾重番薯味，食落去甜甜地。不過我自己就鍾意配返薯條多啲。佢啲薯條好香好脆食到停唔到口。超級邪惡咁食晒成個burger加薯條都掃清光。食完飽到上心口。Lunch佢有杯嘢飲跟埋，呢度嘅侍應好Nice，連嘢飲都會細心解釋同推介。鋪面環境夠大夠闊落，絕對係一個一班人聚餐嘅好地方。