福岡漢堡扒 (厚福街) (已結業)

復活節長假期冇出國留港消費，去咗尖沙咀行行下又到黃昏開始肚餓，入去一間食韓式燒和牛漢堡扒嘅餐廳食復活節大餐。兩個人坐低之後點咗個二人套餐C，兩個湯同沙律，有2個漢堡扒加一個芝士泡菜豚肉飯，同兩罐飲品。菠蘿煙肉和牛漢堡扒自己切漢堡扒份量放在熱石逐少逐少煎，和牛肉漢堡脂肪比例適中，牛肉嘅油脂香氣出晒嚟，煎得好香，入口唔會散哂，d芝士都唔少，連同漢堡一齊食，認真好味。蛋上面嘅菠蘿好鮮甜，可以解一解油膩感。芝士蛋蒜和牛漢堡扒呢個同様滑蛋做底，d和牛漢堡煎咗再夾埋芝士蛋一齊食，充滿蒜片香氣，非常邪惡好味。芝士泡菜豚肉丼飯份量好大，兩個人share 夠食有餘, 泡菜d辣味唔會搶咗芝士既奶香味，調教比例都算唔錯，芝士拉絲軟綿，豚肉份量都好多，起碼一啖豚肉一啖飯，好味道。今次係第二次食呢間餐廳，個漢堡冇令我哋失望，員工自動自覺幫我地換熱石，服務都唔錯。