心之食堂 (裝修中)

心之食堂店內衛生企理，枱同枱之間有一定距離，座位夠闊落坐得舒服。呢度係自助點餐且menu圖文並茂好方便食客，店員都好貼心咁講解一下點操作🥰😍<雙色芝士炸雞>芝士落得夠重手，鹹香十足！炸到外皮金黃香脆，入口充滿肉汁💦<蒜燒日本大扇貝>蒜蓉同扇貝呢個組合係天衣無縫！重蒜同牛油，香氣濃郁非常惹味，扇貝大粒鮮甜😋😋<豚肉蘆筍卷>軟腍嘅豚肉包住爽脆冇渣嘅蘆筍，搽咗甜甜鹹鹹嘅醬汁，居酒屋風味濃厚🏮<蒜香烤焗茄子>店員話即場燒要等45分鐘，茄子好淋，掛滿蒜香徹底入味好邪惡😈我哋仲嗌咗個<海膽蟹籽杯>同<帆立貝蟹籽杯>碰碰杯🥂造型好有趣實屬打卡之選📸帆立貝肉質甜美濕潤柔軟，海膽奶滑甘甜。