影片
更多
2022-08-23
50 浏览
創興廣場有好多餐廳，今晚朋友約我去其中一間叫「淥鼎記」嘅餐廳打邊爐🍲。我地揀左小寶套餐。兩個鐘放題可以任食任點安格斯牛、黑毛豬、手打魚滑/丸、鮮雞件、自家製涼茶同埋火鍋自助區，正爆！😍😆19:30前離座，21:00後入座$228。我同朋友17:30入座，食兩個鐘，啱啱好趕得切個優惠🥳。餐廳有好多梳發卡位，坐得好舒服～🥰前菜係鹹蛋魚皮同埋滷水拼盤。鹹蛋魚皮鹹香脆口。滷水拼盤有鵝掌翼、豆腐、紅腸同埋豬腩肉，食材豐富，誠意十足。火鍋湯底揀咗花膠美人鍋，入邊真係好多片花膠，重有大量紅棗，好滋補呀！😍😍😍安格斯牛同黑毛豬都大大片，夠新鮮，肉質咬落有口感😋👍🏻。安格斯牛牛味濃。火鍋自助區十分乾淨企理，食物同飲品擺放得井井有條，令人一目了然，讚！👍🏻食物同飲品種類繁多。有丸、蔬菜🥬、烏冬、餃子等等，兩個鐘真係唔夠時間試晒咁多款啊😭！烏冬唔係普通烏冬而係稻庭烏冬，滑溜煙靭，加牛肉落烏冬，自製牛肉烏冬，正呀😋！因為本身個餐包咗牛同豬肉，我喺火鍋自助區就夾番d蔬菜平衡番。攞左淮山、萵筍、南瓜、娃娃菜同菜心。重夾左d 餃子。剩係餃子🥟都有冬菇雞肉餃、韮菜餃、魚皮餃同水餃多種款式，每款夾左幾隻試下。當中冬菇雞
我地揀左小寶套餐。兩個鐘放題可以任食任點安格斯牛、黑毛豬、手打魚滑/丸、鮮雞件、自家製涼茶同埋火鍋自助區，正爆！😍😆19:30前離座，21:00後入座$228。我同朋友17:30入座，食兩個鐘，啱啱好趕得切個優惠🥳。
餐廳有好多梳發卡位，坐得好舒服～🥰
前菜係鹹蛋魚皮同埋滷水拼盤。鹹蛋魚皮鹹香脆口。
滷水拼盤有鵝掌翼、豆腐、紅腸同埋豬腩肉，食材豐富，誠意十足。
火鍋湯底揀咗花膠美人鍋，入邊真係好多片花膠，重有大量紅棗，好滋補呀！😍😍😍
安格斯牛同黑毛豬都大大片，夠新鮮，肉質咬落有口感😋👍🏻。安格斯牛牛味濃。
火鍋自助區十分乾淨企理，食物同飲品擺放得井井有條，令人一目了然，讚！👍🏻
食物同飲品種類繁多。有丸、蔬菜🥬、烏冬、餃子等等，兩個鐘真係唔夠時間試晒咁多款啊😭！烏冬唔係普通烏冬而係稻庭烏冬，滑溜煙靭，加牛肉落烏冬，自製牛肉烏冬，正呀😋！
因為本身個餐包咗牛同豬肉，我喺火鍋自助區就夾番d蔬菜平衡番。攞左淮山、萵筍、南瓜、娃娃菜同菜心。
重夾左d 餃子。剩係餃子🥟都有冬菇雞肉餃、韮菜餃、魚皮餃同水餃多種款式，每款夾左幾隻試下。當中冬菇雞肉餃入口好香冬菇味，值得一試👍🏻。丸方面有兩款丸見個名幾特別就夾左試下：咖喱包心丸同埋芥末貢丸。咖喱包心丸有咖喱香但唔辣，丸入面包住d肉碎，食落有層次感，不錯。
我攞左餐廳嘅自家製涼茶——竹蔗茅根。入邊仲有馬蹄、紅蘿蔔等渣😍，夠曬真材實料！👍🏻打邊爐飲番杯竹蔗茅根清熱氣係指定動作吧😌。
张贴
