雞少雞飯

营业中

休息中

探病後，又落番佐敦，真係唔知食咩好，咁就索性行遠少少過去尖沙咀，呢間成日都會經過，但係就真係好少一個人入去食，有四個人咁就決定食呢一間。心目中其實已經選定係想食四人餐，另外加錢升級咗個湯變肉骨茶，另外加咗行雞絲粉皮。個雞絲粉皮正常發揮，現成嘅醬撈冇可能難食。成晚最好食係碟海南雞都幾大隻，唔算肥肉質亦都好滑。滷水豬手都唔錯，如果個份量多返三份一就會性價比更加高。嗰Leung嘅查分鴨冇特別睇過佢啲圖，但屋企人話想試覺得特別咁就叫，點知嚟到原來係煙燻鴨胸十分普通，如果早知佢係鴨胸一定阻止屋企人嗌。反而個蝦浸時菜幾好，裏面落咗櫻花蝦。但係個肉骨茶就比較失望，裏面啲湯料就多，但湯藥材味唔濃，唔係好合我嘅何車。整體嚟講如果要俾高分係俾份豬手、隻海南雞同埋啲薑蓉⋯⋯拉低分數一定係個鴨胸。