影片
营业时间
今日营业
11:00 - 22:00
星期一至日
11:00 - 22:00
公众假期
11:00 - 22:00
公众假期前夕
11:00 - 22:00
*最后落单时间21点30分
以上资料只供参考，请与餐厅确认详情
本来谂住去山林道食韩国嘢，点知9:30就已经关了，因为肚饿行去佐敦见到「鸡少鸡饭」就入去食，姐姐话可以食到10:30，现在咩世界呀？✨🥢新加坡去骨海南鸡饭$63: 海南鸡好滑，而且仲几多件添；碗汤可能用鸡骨煲好鲜甜，好有惊喜；碗黄姜饭咸咸香香好好食😋✨🥢足料肉骨茶配米饭$66: 肉骨茶系好多汤料满满的（东菇、腐竹、鸡脚、排骨），但最主力嘅蒜头反而唔见，缺少了肉骨茶嘅灵魂。✨🥢虾汤浸时菜（套餐+$7）：用虾🦐汤浸嘅菜芯好甜👍🏻✨🥢芽龙粉丝春卷3件（套餐+$22）：新鲜热辣炸出嚟好好食，春卷皮好脆，3件刚刚好过口瘾😋
继续阅读
探病后，又落番佐敦，真系唔知食咩好，咁就索性行远少少过去尖沙咀，呢间成日都会经过，但系就真系好少一个人入去食，有四个人咁就决定食呢一间。心目中其实已经选定系想食四人餐，另外加钱升级咗个汤变肉骨茶，另外加咗行鸡丝粉皮。个鸡丝粉皮正常发挥，现成嘅酱捞冇可能难食。成晚最好食系碟海南鸡都几大只，唔算肥肉质亦都好滑。卤水猪手都唔错，如果个份量多返三份一就会性价比更加高。𠮶Leung嘅查分鸭冇特别睇过佢啲图，但屋企人话想试觉得特别咁就叫，点知嚟到原来系烟熏鸭胸十分普通，如果早知佢系鸭胸一定阻止屋企人嗌。反而个虾浸时菜几好，里面落咗樱花虾。但系个肉骨茶就比较失望，里面啲汤料就多，但汤药材味唔浓，唔系好合我嘅何车。整体嚟讲如果要俾高分系俾份猪手、只海南鸡同埋啲姜蓉⋯⋯拉低分数一定系个鸭胸。
继续阅读
今次已经系第二次经网上外卖平台外卖到，由尖沙咀去到红磡半小时内有得食，仲要系每次都热辣辣。本身唔认识呢一间餐厅，上次见网上外卖平台嘅评论都唔错，所以决定一试，上次叫咗海南鸡扒已经觉得好好食同好足料。今次再叫咗佢嘅鸡翼饭同埋猪手饭，性价比高。一打开鸡翼饭，完全估唔到竟然比六只。平时出街叫鸡翼面啊，永远都系得三只唔够饱。不得不令我平时唔打开食评都要赞吓，希望呢个留言可以俾啲鼓励呢间餐厅继续做吓去。我会继续帮衬外卖的😂P.s. 唔好意思，食到一半先影相，为咗表示我系用家
继续阅读
今日下昼去咗九龙公园, 行到咁上下系附近揾间餐厅医下肚仔, 见到尖沙咀差馆对面呢间食海南鸡, 又即管试下！揭开餐牌食物种类都好多, 除咗新加坡海南鸡、娘惹厚切猪扒, 仲有我最钟意食嘅喇沙🥰海南鸡饭套餐仲包一碗椰子汤🥥好鬼香👍去骨海南鸡同猪扒肉质鲜嫩, 唔会鞋飒飒, 仲好香喷喷添, 配上惹味酱油, 好食到冇朋友🤣喇沙掺掺味道恰到好处🍜 yummy 😋超有水准, 好味👍呢间嘢真系cp值极高, 仲要价钱一啲唔贵, 用平靓正形容就真系最贴切, 下次一定会再嚟！
继续阅读
尖沙咀 抵食足料海南鸡饭有日同朋友行完街见攰想食饭 见到呢间主打无味精汤水同海南鸡饭就俾佢吸引咗～🍽️娘惹茶熏鸭饭估唔到佢嘅茶叶味好香 鸭肉食落好滑 估唔到除咗佢哋主打嘅海南鸡饭之外 佢其他饭都好食 呢个价钱性价喺尖沙咀都算高果然佢哋嘅老火汤汤水冇令我失望 饮完即刻暖笠笠🍽️新加坡海南鸡喇沙米线佢哋嘅海南鸡都几滑 几钟意佢哋配搭嘅豉油同埋辣汁 喇沙汤底饮落唔会好抢口 食完都唔会好口干🍽️虾饼虾饼都几足料 炸得好香脆，但里面唔会干噌噌可以一试尖沙咀 鸡少鸡饭喺附近行街经过有兴趣可以试吓～呢个价钱食呢个质素 都算系冇得输
继续阅读