重慶燒燒烤旗艦店 (已結業)

8月30日, 嚟到佐敦呢幾條街, 周圍都可以聞到陣陣嘅串燒味, 呢度一連幾間嘅舖都係呢間重慶燒~ 我地就俾呢d香味吸引住, 受不住引誘就入咗去~::: 燒大海虎蝦 :::先來一隻虎蝦~ 大就大隻, 肉都幾香, 不過肉質唔算太鮮, 咬落都幾淋, 麻麻地...::: 燒大海蝦 :::另外都叫咗海蝦, 呢一隻比虎蝦細大概3分1 , 燒出嚟都幾香, 但係肉質都係同虎蝦差唔多. 唔算出色.::: 燒豬頸肉串 :::豬頸肉都幾實下, 之不過都算爽口嘅, 味道都幾入味, 唔錯~::: 燒牛脷 :::牛脷估唔到係淋得嚟幾有咬口, 肉味仲幾香~::: 燒墨汁墨魚丸:::呢隻墨丸本身味道都已經幾濃, 所以再燒下加埋d粉其實作用不大, 但係呢隻墨丸係好味~::: 燒金菇肥牛卷 :::金菇肥牛卷有d一pat野咁, 肥牛加金菇本身好配, 加上味粉燒一燒更加好味~ 肥牛略為有點乾同瘦...::: 燒羊肉串 :::羊肉串都幾羶, 但係要食羊肉就緊係要食呢種味, 肉質幾香~ 但燒得有d乾, 同冇肉汁.::: 燒牛柳串 :::牛柳個質地同羊肉好似, 只係少咗陣羶味, 同樣都燒得比較乾...::: 燒聖子 :::燒聖子非