源峰 (已結業)

本係去石門食，但橫風橫雨行到一半根本已經濕透，嗰個位置真係山旮旯，食晏別無選擇，唔想再行，唯有富貴啲去酒店食午餐，講真見到餐牌嘅價錢個心真係離一離，定食$300起跳，即管試吓佢個海膽、三文魚子、呑拿魚腩蓉丼，酒店嘅質素，果然有驚喜，差不多半板嘅份量，最重要係鮮味嘅海膽，響香港好難會食到日本嘅味道，好回味，呑拿魚腩蓉配上蔥好夾，可暖身好滑嘅茶碗蒸同麵豉湯出現得好啱時候，甜品係焙茶凍，好滑唔太甜又唔膩，整個定食絕對值得咁嘅價錢