影片
更多
2018-06-11
90 浏览
日本料理係我既至愛，但喺香港要搵一間高質素既日本餐廳並唔容易，就算係某啲頗有名氣既壽司專門店，佢地既壽司都只係中上既質素。雖然刺身同軍艦都幾有魚香，但鮮味欠奉～ 由於近日有朋友升職，我地都想提前慶祝 ，經朋友推介，我地就去左荃灣品嚐美食～福丸水產既招牌好搶眼，店鋪設計裝潢都好有地道日本feel。我地見到都幾多人去食，質素應該好唔錯，所以就興奮地入去食晚餐～我地入到去見到一個個獨立卡位，非常有格調。餐廳所用既餐具都好精緻，整套杯碟都充滿日本風格，而且非常整潔 👍🏼日本茶亦都飄出陣陣香氣，飲落好有養生既感覺。餐廳店內有幾個櫃裝滿左日本酒，居酒屋既氣氛濃厚，感覺好地道好專業。不過我地今晚都唔想飲酒，所以只係點一杯左巨蜂提子乳酸同埋一杯白桃梳打。八· 點盛盒 $488首先打頭陣既就係呢道色彩鮮豔既刺身盛盒，精心挑選左八種高質既海鮮刺身組合而成。佢既賣相非常美觀，未食已經令人垂涎三尺。除了醬油之外，仲有秘汁醬汁提供，更能提升刺身既鮮味。賣相一流既刺身冇理由唔黎一個特寫吧～ 由左至右上而下，分別有：左口魚、赤貝、池魚、金目鯛、油甘魚同埋拖羅。另外仲有牡丹蝦同埋海膽。每一種刺身各有特色，由於白身魚味
福丸水產既招牌好搶眼，店鋪設計裝潢都好有地道日本feel。我地見到都幾多人去食，質素應該好唔錯，所以就興奮地入去食晚餐～
我地入到去見到一個個獨立卡位，非常有格調。餐廳所用既餐具都好精緻，整套杯碟都充滿日本風格，而且非常整潔 👍🏼日本茶亦都飄出陣陣香氣，飲落好有養生既感覺。
餐廳店內有幾個櫃裝滿左日本酒，居酒屋既氣氛濃厚，感覺好地道好專業。不過我地今晚都唔想飲酒，所以只係點一杯左巨蜂提子乳酸同埋一杯白桃梳打。
八· 點盛盒 $488
首先打頭陣既就係呢道色彩鮮豔既刺身盛盒，精心挑選左八種高質既海鮮刺身組合而成。佢既賣相非常美觀，未食已經令人垂涎三尺。除了醬油之外，仲有秘汁醬汁提供，更能提升刺身既鮮味。
賣相一流既刺身冇理由唔黎一個特寫吧～ 由左至右上而下，分別有：左口魚、赤貝、池魚、金目鯛、油甘魚同埋拖羅。另外仲有牡丹蝦同埋海膽。
每一種刺身各有特色，由於白身魚味道比較淡，但勝在魚味清新，所以我地由左口魚刺身開始食起。另外池魚都係白肉魚既一種，肉質比較緊實而爽口，略帶油香，味道鮮甜～ 再黎就係食赤貝同牡丹蝦，然後到金目鯛等等既紅肉魚。金目鯛既魚油味比較重 而且厚切既刺身好肥美～
拖羅一直都係刺身之皇，因為佢既油份係所有魚類刺身之冠。呢舊拖羅刺身既油脂分佈非常平均，一咬落去啲魚油四散，散落每一個味蕾。拖羅刺身係我全日既至愛，亦係我最中意既刺身之一❤
海膽名貴大家都知，靚既海膽難求，而且數量少～呢到食既海膽令我眼前一亮，佢好鮮甜，完全唔腥唔臭，我對海膽既好感愈黎愈多 😋
燒帶子
燒帶子外觀華麗，非常吸睛。燒過既帶子除左帶點惹味，仲鮮甜多汁，肉質嫩滑。帶子底下清甜味美既海鮮汁，再加上清香既檸檬汁，令人回味無窮。
濱燒緋扇貝 $96
除左各式各樣既日本料理之外，福丸水產仲主打浜燒，所以每一張枱都會有一個磯燒爐。店員會為食客服務，將扇貝浜燒，然後為你去殼上碟，非常貼心。
緋扇貝色彩繽紛，貝殼既顏色純天然，用浜燒呢種方法烹調出黎既扇貝味道非常新鮮，而且肉厚實，裙邊爽口彈牙，佢個種鮮味係我以前從未試過既味道。
汁煮季節魚頭 $128
呢道汁煮魚頭所用既魚係鯛魚，鯛魚除左做刺身一流之外，佢既魚頭肉同樣嫩滑，可做煮物、煎物等。魚頭以豆腐、清酒蒸之後淋上魚湯，嫩滑魚肉吸盡湯頭鮮味。另外再配上紅蘿蔔、冬菇、蘆筍等既配菜，顏色鮮豔奪目。
華味鳥雞串
店員為我地略略介紹過，華味鳥係日本九州既特產，肉質比普通既雞更嫩滑。第一次試華味鳥雞肉串，真係好好味。烤過既雞串本身就好惹味，充滿香烤味道，再加上特製醬汁，令甜甜咸咸既雞肉更有鮮味，而且食落一啲都唔乾，香滑細嫩。
福丸盛盒 $188
我地另外再點左壽司盛盒，包括池魚壽司、厚切三文魚腩壽司、火炙鰻魚壽司、左口魚邊壽司、中拖羅壽司、珍寶帶子壽司等等。
三文魚壽司同埋左口魚邊壽司🍣係我最愛既壽司，不過左口魚邊比三文魚更重魚油香，食落口感亦都好唔同，比較好嚼。拖羅壽司同埋珍寶帶子亦都係焦點，味道鮮美，令我一試難忘。
火炙鰻魚壽司另外為鰻魚壽司黎一個特寫，鰻魚不嬲都大受歡迎，我同朋友都中意食鰻魚，最中意配埋鰻魚燒汁一齊食，食落更加和味。炙燒鰻魚既香氣係獨一無二既，永遠都冇其他食物可以取代到佢 😋
呢餐日本料理係少有令我食完後，會會心微笑既一餐 ☺ 餐廳用料上盛，食材新鮮不在話下，連料理師傅都製作認真，重視料理既質素同食客既滿意度。我真係覺得呢一餐好難忘～希望會再有下一次～
张贴
