大滿喜日本料理 (已結業)

今日同朋友黎到食放題，好彩係平日黎食，如果唔係一定要有排等，但平日黎講，都叫做好多人，好full。咁一坐低就梗係不停叫野食啦，之後等一陣就已經有野食，上菜速度都好快。首先黎到嘅係火熖壽司，蟹棒好好食，燒三文魚亦都好正，重點想講壽司舊飯唔太大舊，對於放題黎講係非常好嘅，因為唔使食咁多飯，可以食多啲其他野！接落黎，梗係每次放題都唔少得嘅刺身啦。大大片嘅三文魚，非常新鮮，其他仲有飽片同蝦等等，不過略嚴個珍寶蝦唔夠珍寶，但都好新鮮嘅！仲有，咁鐘意食三文魚嘅我梗係會叫花之戀啦！花之戀真係唔係間間放題嘅舖頭都有，超級超級好食！隔離仲有個特別嘅蝦花之戀，食落都幾特別！之後仲有黎左一口牛，雞軟骨同埋雞翼等等，選擇好多。同埋佢仲有一人火鍋俾我地簡，之不過實在太飽了，冇辦法食埋個火鍋😂😂除此之外，係落單嘅食物外，出面仲可以自己拎野食，有小丸子呀，甜品呀，好豐富！