勝面 (已結業)

朗豪坊又開左新食店。行過時比勝面既簡潔裝潢吸引左。好多款台式食物任君選擇， 台式飲料、小食、正餐，甚至甜品都有齊。芝士肉鬆雞蛋手工手抓餅 $38(美味指數: 😋😋😋)好小地方見到手抓餅，所以我地都叫左一份。餅皮煎得很酥脆，肉鬆咸咸香香而且多到滿潟，芝士是會拉絲的芝士但芝士味略遜。涼拌手撕雞無骨鹽水雞滷肉飯 $70(美味指數: 😋😋😋😋)見係香港限定所以叫左。雞同滷肉飯係分開上枱。清晰見到滷肉中既肥肉同瘦肉，份量都好足，夠撈哂成碗飯。滷肉相對坊間既清淡啲無咁濃味，加埋手撕雞一齊食，口感會更多層次同會多左麻油同胡椒味。招牌麻辣牛三寶湯麵 配蛋花湯 $82(美味指數: 😋😋😋😋😋)蛋花湯好有驚喜呀!一開始以為係清淡既，但原來係好香濃既牛骨蛋花湯。超級香牛味。趁熱飲就最好飲。麵底揀左關廟麵係台灣既傅統麵。幼麵特點係Q彈。 鍾意食辣既我要左中辣，不過唔太辣，香為主。配料份量好多! 有牛腱心、牛頰肉、牛頸脊、鴨血同豆腐。每樣兩大舊。牛肉炆得好腍，鬆化而且入味。筋位都腍到軟軟，膠質感重。鴨血同豆腐吸滿左湯既精華，好似食緊台灣麻辣火鍋入埋既鴨血和豆腐。估唔到食牛肉麵都可以食到。南方小島(鳳梨) $30