極尚大喜屋 (銅鑼灣廣場一期)

营业中

休息中

朋友去食放題，估唔到八點幾都坐滿人，好彩有訂位。刺身款式唔少，唔會太重雪藏味，有基本嘅三文魚、甜蝦、希靈魚、鮑片之外，仲有回本之作赤蝦。壽司方面，除咗花之戀同火炙壽司，仲有幾有特色菠蘿蝦壽司，幾開胃。 少有地有鮑魚壽司同海膽手卷，都幾迷你，唔會太多飯。燒烤種類同普遍放題差唔多，有焗廣島蠔:醬料味道惹味。雞翼、蒲燒鰻魚、西京燒比目魚同樣水準唔錯。燒温室甜菠蘿開胃。 炸物嘅款式基本上齊全，天婦羅外脆內軟，炸鮮奶😍，滑嘟嘟，甜度適中。脆炸貓山王嘅榴槤味濃郁。熟食有小菜同鍋物。花膠冬菇：煙煙韌韌，放題質素嚟講算係過關。雪花牛肉鍋嘅湯底係壽喜燒，蔬菜同豆腐吸收曬甜味。最後，我哋食甜品同雪糕，有韓國雪條、Mega等。大櫃裝滿多款飲品任我哋簡。