八海山

营业中

休息中

同事話上次見到lunch set唔貴，又幾抵食，所以今次同佢地黎左呢間日式料理食。一入到去，感覺好懷舊，好似80年代既小小日式料理店裝修都比較舊，但係簡單，整潔，令人舒服。餐牌有每日唔同既便當揀，仲有其他海鮮丼同鍋物揀。價錢普遍黎講都唔算太貴，加上另外有一張餐牌仔，有4個set係53-58蚊既選擇，一樣包沙律，茶碗蒸，味噌湯同埋飲品。沙律睇得出唔太新鮮。。。雖然佢既柚子汁好食。茶碗蒸係滑既！我叫左牛肉豆腐鍋。首先，牛肉份量都唔少，口感都ok，底下仲有好多菇，煮林左既洋蔥同埋3舊豆腐。豆腐質素就一般般啦，有丁點酸味，唔太新鮮。同埋佢既飯好似煮得太濕。。。