影片
更多
2020-05-09
199 浏览
捌壹壹 旺角❗️选择多抵食川菜❗️好耐冇食川菜，晚市见到OpenRice订座有八折优惠，网上评价又唔错，味道都唔错，的确几抵食！‼️以下列出嘅价钱系原价未打折‼️必食冷锅酸菜鱼 $168川菜餐厅当然唔少得酸菜鱼啦，除此之外佢哋仲有水煮牛肉、鸡煲等等选择，甚至有鲍鱼花胶鸡煲拣添🤩🤩🤩。第一次嚟拣咗佢哋嘅招牌冷锅酸菜鱼🐟鱼嘅份量非常之多，而且真系好滑好滑，配上大量嘅咸酸菜、芽菜、金菇同埋少量宽粉，味道酸酸咸咸，都几好食👍🏻不过啲酸菜都几咸，就咁食就有啲难接受🙈不过其实成个酸菜鱼都系热嘅，唔知点解叫冷锅呢。唔够饱嘅话仲可以将呢个煲变成火锅，有多种配料选择，都几抵食！味道: 4.1/5性价比: 4.3/5葱爆牛肉🐮$98貌似普通，但的确几有镬气，特别系啲葱真系非常之香🥰牛肉份量多又滑，虽然有少少似茶餐厅嘅菜式，但的确几惹味👍🏻。味道: 4.1/5性价比: 4/5尖椒皮蛋🍳$38晶凝通透橙黄色🥰味道系几好，酸酸辣辣。而且皮蛋中间系流心，不过呢一个皮蛋白系爽口啫喱口感𠮶种，我就冇咁钟意。味道: 3.8/5性价比: 4/5 川北凉粉🍜$38川北凉粉系四川菜嘅特色面食，晶凝通透爽口得来又有少少烟韧，不过一款就
❗️选择多抵食川菜❗️
好耐冇食川菜，晚市见到OpenRice订座有八折优惠，网上评价又唔错，味道都唔错，的确几抵食！
‼️以下列出嘅价钱系原价未打折‼️
必食冷锅酸菜鱼 $168
川菜餐厅当然唔少得酸菜鱼啦，除此之外佢哋仲有水煮牛肉、鸡煲等等选择，甚至有鲍鱼花胶鸡煲拣添🤩🤩🤩。
第一次嚟拣咗佢哋嘅招牌冷锅酸菜鱼🐟鱼嘅份量非常之多，而且真系好滑好滑，配上大量嘅咸酸菜、芽菜、金菇同埋少量宽粉，味道酸酸咸咸，都几好食👍🏻不过啲酸菜都几咸，就咁食就有啲难接受🙈不过其实成个酸菜鱼都系热嘅，唔知点解叫冷锅呢。
唔够饱嘅话仲可以将呢个煲变成火锅，有多种配料选择，都几抵食！
味道: 4.1/5
性价比: 4.3/5
葱爆牛肉🐮$98
貌似普通，但的确几有镬气，特别系啲葱真系非常之香🥰牛肉份量多又滑，虽然有少少似茶餐厅嘅菜式，但的确几惹味👍🏻。
味道: 4.1/5
性价比: 4/5
尖椒皮蛋🍳$38
晶凝通透橙黄色🥰味道系几好，酸酸辣辣。而且皮蛋中间系流心，不过呢一个皮蛋白系爽口啫喱口感𠮶种，我就冇咁钟意。
味道: 3.8/5
性价比: 4/5
川北凉粉🍜$38
川北凉粉系四川菜嘅特色面食，晶凝通透爽口得来又有少少烟韧，不过一款就相对上有啲失色，每条都非常易断，缺乏口感🙈主要以醋同埋辣椒油作调味，不过$38来讲的确好大份，当主食用嚟配酸菜鱼都还可以。
味道: 3.5/5
性价比: 4/5
芒果沙冰🥭$32
芒果味道有啲假，似系优之良品芒果糖𠮶只味，唔特别推荐。
味道: 2/5
性价比: 2/5
黑糖糍粑🍡$23
作为烟韧控嘅我真系好钟意食糍粑，如果你都经常食川菜相信对糍粑都唔会陌生。似系炸咗嘅麻薯，外脆内烟银，通常会加上少少黄豆粉，再点黑糖食用，味道甜甜地的确好味😋！
味道: 4.1/5
性价比: 4.1/5
红糖桂花冰粉🍧喺Facebook赞好同分享后免费 (原价$23)
喺Facebook赞好仲有免费嘅红糖冰粉添🤩又系一道四川独有嘅甜品，亦系我好钟意嘅甜品。滑脱脱口感有少少似仙草嘅凉粉，晶凝通透，本身系无味，但会加上红糖桂花等等调味，凉凉地最适合用嚟解辣💕！
味道: 4.1/5
性价比: 4.3/5
整体来讲大部份菜式质素都唔错，而且以呢个份量来讲的确几平，食咗咁多样嘢埋单都只系三百几蚊，超级饱，间中想食下辣野都可以去呢一间，值得一试
必食冷锅酸菜鱼
$168
96 浏览
0 赞好
0 留言
葱爆牛肉
$98
37 浏览
0 赞好
0 留言
川北凉粉
$38
37 浏览
0 赞好
0 留言
黑糖糍粑
$23
80 浏览
0 赞好
0 留言
尖椒皮蛋
$38
37 浏览
0 赞好
0 留言
张贴
