泰屋

营业中

休息中

近排天氣又熱又焗，食酸辣惹味的泰國菜就最開胃啦！兩小口剛好經過旺角就上左去試樓上泰菜。打開餐牌睇睇發現菜色選擇都唔少，有前菜、海鮮、烤肉、炒粉麵飯等等，食完唔夠喉仲有泰式甜品，搞到有選擇困難症嘅我地都心大心細唔知食咩好，最後每樣都試啲。馬拉盞炒通菜通菜上碟色澤不錯，菜葉同莖部都算嫩口，食落唔會話好老好多渣，加上馬拉盞的陣陣鹹香，食落惹味。粉絲大頭蝦煲(小)大頭蝦都有返咁上下大隻，肉質爽口彈牙。廚房已預先幫我地將大蝦開邊，食起上嚟方便好多，唔使慢慢剝蝦殼。雖然大頭蝦無想像中煮得咁入味，但旁邊嘅配角粉絲就有驚喜啦，吸收哂醬汁嘅味道好入味呢！泰式沙嗲(雞肉及牛肉)豬牛雞肉可以任選兩款，串燒烤得都唔錯，烤肉入面仍然保持到肉質嫩滑帶汁，沙嗲味香濃唔會過咸，沾埋旁邊帶椰香嘅醬料一齊食更滋味。泰式豬頸肉炒飯炒飯味道相對上面嘅菜色清淡，入面有雜菜同埋豬頸肉粒。不過豬頸肉嘅份量唔多，炒飯食落唔夠肉香同鑊氣，比較普通。餐廳座位寛闊坐得舒服，同班朋友或者同事放工過嚟食野傾計都係個唔錯嘅選擇。