牛の鍋日本料理

营业中

休息中

適逢生日，見到呢間有齊火鍋、甜品、刺身壽司既日式放題店，當然要一飽食慾，生日壽星仲有75折既優惠，見網上評價相當不俗，就黎試下。火鍋湯底揀左個好清既椰子湯，唸住冇咁溜，不過就較為一般，雖然見到有椰子係湯底內，但味道就吾算太突出，配料方面選擇都多，而海鮮類既配料都尚算新鮮，肉類方面比較推介美國極上牛，但亦唔算有太大既驚喜。相較之下，刺身壽司炸物比較值得推介，壽司方而比較推介鰻魚壽司、芒果吉列蝦卷，炸物方面，芝麻雞翼、香芋丸、蝦天婦羅黎到既時候都熱辣辣，都係香脆可口既；而刺身方面整體黎講都係新鮮既，三文魚刺身切得都算厚，帶子同赤蝦都帶甜味，有返一定既質素。燒菠蘿值得推介，燒得暖暖地，菠蘿帶甜味吾會太酸而呢度既甜品選擇比起一般既日式放題選擇多元化，中式同西式兼備，今次試左宇治抹茶芭菲同扭紋新地同焦糖窩夫，抹茶雪糕既感覺食得出係抹茶粉整成既，而雪糕亦較易溶，但味道正常；而窩夫烘得香脆，但配合既雲尼拿雪糕較甜。整體黎講呢間日式放題既質素正常，未有太大既驚喜，壽司刺身既質素相對比火鍋高，如果鐘意多選擇既話可以一試，但呢度既環境相對較逼，今次坐近多人出入既走廊位成日驚比人整到，而且兩人枱擺放食物既位