大喜家日本料理 (已結業)

日式放題真係食極都唔厭，今晚同朋友行開佐敦附近，係莊士倫敦廣場試了這間日式放題，上到去看見地方闊大，全層只有一間店舖！座下看看點茶單，食物種類多，中間位置又有沙律自助吧，重可以任飲任食，重點冇走單，入幾多出幾多！刺身新鮮，三文魚大大塊，入口好有口感，甜蝦鮮味，螺肉爽口彈牙，帶子都鮮甜！叫兩至三次刺身已經差不多返本！吃得當然要叫埋啲特色壽司，花之戀，火炙鰻魚啦真係啖啖肉！重有一個推介沖繩苦瓜炒蛋，瓜肉帶甘，炒蛋滑嫩！另叫了個濃湯拉麵，份量啱啱好，不會大大碗，讓你可以品嚐更多美食！拉麵軟熟，加埋濃郁湯底，正！炸物只吃了少少，雞翼外皮脆香；日本年糕芝士，外香內軟流心，吃時小心湯口！食物質素整體不錯！早吃更有優惠！我就爭少少才取得！最緊要吃得開心！看看你是否可以早吃一些啦！