甜入心 (已結業)

夏日炎炎既夏天已經開始咗啦。天口咁熱，行行就想食甜品。深水埗區，我就幾鍾意去甜入心到食，因為佢好多選擇同埋味道都唔錯。 今次叫咗依個八星龍珠，中間係一粒透明嘅啫喱果凍，唔算太甜。啫喱口感又滑又軟，配咗啲椰汁糖水真係食到甜入心，芒果就熟咗啲，蜜瓜都非常甜。 最緊要呢度啲甜品夠曬凍，唔凍就消唔到暑。 榴槤飄香椰皇子，椰皇係我最鍾意喺度選擇嘅甜品之一， 因為佢椰皇啲椰肉好多，榴槤蓉依舊好食，加埋椰汁同埋佢啲啫喱爆珠，無論口感味道都極佳。不過今次個甜度重手左。 加15蚊就有一個 焦糖布甸，布甸口感軟滑，焦糖味濃，15蚊好抵食真係。