影片
更多
2010-05-29
6 浏览
朋友推介呢度, 話食過唔錯, 特登預早book兩圍叫我地去呢度試試佢地D 燒豬預留8:15, 我地8點鐘就有人到左, 我就8:15到店員話其中一張台仲有客食緊, 遲少少會俾番張台我地由於得一張台o既關係, 我地唔夠坐, 唔可以開餐住如是者, 我地二十人等左半個鐘, 隔離台都仲未食完, 我已經唔耐煩向店員了解, 原來隔離台book 7點, 但係遲到, 所以遲遲未食完, 店員事先已經同佢地講左最遲九點一定要俾番張台出黎, 但係我眼見8點半佢地仍然繼續落單, 其中仲有人斯斯然玩啤牌, 完全冇離開o既意欲大人夜少少食冇所謂, 最慘幾歲大o既小朋友都冇得食等到九點, 店員和老板依然只係識同我地講唔好意思, 推倘唔可以得失客人, 唔可以催客埋單, 根本冇嘗試過叫隔離台讓座我已經忍無可忍, 大家都有book位, 佢地遲到有得食, 我地遲到就等一個鐘都冇得食, 唔通佢地係客, 我地唔係? 唔通佢地唔可以得失, 我地就可以? 店員唔想催佢地走, 就即係催我地走, 到最後我地都係一肚火咁離開, 唔會再幫襯一早根本唔需要正面同隔離台交涉, 到咁上下時間cut 單last order 就得, 講真, 就算九點
預留8:15, 我地8點鐘就有人到左, 我就8:15到
店員話其中一張台仲有客食緊, 遲少少會俾番張台我地
由於得一張台o既關係, 我地唔夠坐, 唔可以開餐住
如是者, 我地二十人等左半個鐘, 隔離台都仲未食完, 我已經唔耐煩
向店員了解, 原來隔離台book 7點, 但係遲到, 所以遲遲未食完, 店員事先已經同佢地講左最遲九點一定要俾番張台出黎, 但係我眼見8點半佢地仍然繼續落單, 其中仲有人斯斯然玩啤牌, 完全冇離開o既意欲
大人夜少少食冇所謂, 最慘幾歲大o既小朋友都冇得食
等到九點, 店員和老板依然只係識同我地講唔好意思, 推倘唔可以得失客人, 唔可以催客埋單, 根本冇嘗試過叫隔離台讓座
我已經忍無可忍, 大家都有book位, 佢地遲到有得食, 我地遲到就等一個鐘都冇得食, 唔通佢地係客, 我地唔係? 唔通佢地唔可以得失, 我地就可以? 店員唔想催佢地走, 就即係催我地走, 到最後我地都係一肚火咁離開, 唔會再幫襯
一早根本唔需要正面同隔離台交涉, 到咁上下時間cut 單last order 就得, 講真, 就算九點鐘佢地真係埋單走人俾番張台我地, 店員o既處理問題手法已經令我冇哂心情欣賞佢地o既"美食"
openrice 係一個俾comment o既平台, 有賞亦有罰, 咁先可以俾機會食店改善
张贴