麻辣香鍋

营业中

休息中

今日專登出黎旺角shopping 洗下啲消費卷，第一站梗係醫飽個肚先啦，就去左朗豪坊附近既~麻辣香鍋~。裝修企理，坐得舒服，好多客黎食，坐底一路食外賣訂單就不斷有。藤椒雞🐔🐔雞肉好嫩滑，配上少少籐椒粒，唔辣但有少少麻麻既感覺，好味。招牌香鍋 🌶️🌶️香鍋底26蚊，再加餸，5款餸起，我地揀左小酥肉、牛百葉、鯛魚片、大荳牙同墨魚餅，辣度揀左麻辣既微辣。個香鍋口味啱啱好，微辣但不嗆喉、唔油膩。又夠多款餸揀，小酥肉香口夠juicy ，鯛魚片夠彈牙，牛百葉夠爽口。孜然牛肉🐮🐮薄薄既麼麼皮，鬆軟煙韌，用黎包住好香口既牛肉炒洋葱，食唔停口。我地仲用黎包香鍋既材料，一樣正。酸梅湯好解渴，味道適中，唔會太酸。飽飽有力去shopping 啦。