霜瀛 (已搬遷) 新店位置

慶祝好姊妹生日緊係要食好啲，今次就黎佐霜瀛試下佢地既廚師發辦！我地係食$1580/位既霜👨🏻‍🍳🥢前菜方面一碟有四樣野，擺盤已經要打卡😝分別有梅酒啫喱蕃茄、水母刺身、北海道白粟米同埋甜黑豆。蕃茄加上梅油啫喱，輕輕既酒味滲入蕃茄，好香🍅水母剌身口感好爽口好特別，加埋少少芝麻咁食好好味😋白粟米我都係第一次食，好清甜🌽而甜黑豆都好好食，少少甜，又有咬口，好正！另外我既至愛都好好食！🐙 新鮮八爪魚配上柚子皮同竹炭鹽，吸盤好脆，其他部位煙韌有口感，味道好清新好好食！壽司方面鮫鰈魚壽司最上面係北海道特產，三升漬，配埋微微燒過既魚皮，好香，口感好好！而海膽壽司更係水準之作！北海道根室松浦水產既海膽口感細滑，十分鮮味🤤🍣