I's Land Cafe (已結業)

觀塘工業區開左無限咁多間cafe, 要間間都試過真係要花啲時間，今日揀左呢間cafe有下午茶tea set, 同酒店就冇得比架啦，不過勝在價錢實惠，而且任坐唔嬲（可能咁岩小人），環境非常闊落，裝修清雅，比人大自然既感覺，好舒服。介紹返呢個鳥籠tea set!!!! 好靚呀！呃like 冇難度！第一層原先係 紫薯沖繩牛乳360布甸 同 是日鮮制迷你蛋糕。但佢今日冇紫薯布甸，就換左第二款布甸比我地，至於個是日蛋糕就係藍苺cheese cake 。芒果布甸好好味！個cheese cake 好飽肚😁😁第二層有 荷蘭忌廉卷，魚子醬吞拿魚麥包，巴馬火腿蟹肉卷。個荷蘭忌廉卷同瑞士卷係一樣味既，魚子醬麥包有小小咸，個火腿蟹肉卷都好味，但應該配蜜瓜會岩啲。😁😁最底層有 自家製真紫薯蓉 同 煙三文魚火龍果雜菜沙律杯。沙律杯入面有火龍果，煙三文魚同車厘茄，啲菜唔多新鮮；個紫薯蓉唔錯，唔太甜，好蓉。👍🏻👍🏻飲品方面加左錢轉花茶。都唔平架（唔記得要加幾錢）原價就$58好在花茶都幾好味，有花香，又大大壺，仲有蠟燭係下面保溫，個杯仲好似皇室用咁，好華麗呀！飲極都飲唔曬！最後同閏蜜坐左成個下晝！so relax !!