影片
更多
2019-05-12
105 浏览
每次經過K11，就見到呢間pancake店排着長長嘅人龍，今日同朋友食完飯見時間尚早，就去試吓！我哋一行三人大約8pm去到，店內有3張吉枱，但侍應仍然要求我哋要先排隊，係都要我哋企幾分鐘先安排入座，非常奇怪！原來之前看到的人山人海，是假象！都知道呢間pancake店有好多內地人幫襯，但我真係估唔到呢度啲侍應嘅服務態度可以咁惡劣，全部都係黑住面！至於環境，真係嘈過茶餐廳好多，不過佢又有啲懶日本餐廳嘅座位setting，喺枱底會有個籃比客人放袋，其實呢個做法係好貼心嘅，但呢度嘅侍應就堅持要將兩籃放喺枱底中間位置，完全係阻住客人坐！位都未坐好，黑口黑面嘅侍應（疑似係店長嘅肥女人)就放低餐牌逼我地落單，點解用迫字形容？係因為佢大大份得咗喺度，勁問我哋要食啲乜嘢！我哋好快咁叫2款pancake 打算share食，點知肥店長態度超級惡劣咁話有minimum，果下我真係好d嬲，問佢minimum charge係幾多？佢竟然好嬲咁話係每個人minimum要叫一個 item。其實如果餐廳有minimum，應該一開始就要講明，而唔係等個客人落order唔合餐廳心意時先講！仲要佢係好嬲咁講，真係唔知點解要俾
都知道呢間pancake店有好多內地人幫襯，但我真係估唔到呢度啲侍應嘅服務態度可以咁惡劣，全部都係黑住面！
至於環境，真係嘈過茶餐廳好多，不過佢又有啲懶日本餐廳嘅座位setting，喺枱底會有個籃比客人放袋，其實呢個做法係好貼心嘅，但呢度嘅侍應就堅持要將兩籃放喺枱底中間位置，完全係阻住客人坐！
位都未坐好，黑口黑面嘅侍應（疑似係店長嘅肥女人)就放低餐牌逼我地落單，點解用迫字形容？係因為佢大大份得咗喺度，勁問我哋要食啲乜嘢！
我哋好快咁叫2款pancake 打算share食，點知肥店長態度超級惡劣咁話有minimum，果下我真係好d嬲，問佢minimum charge係幾多？佢竟然好嬲咁話係每個人minimum要叫一個 item。其實如果餐廳有minimum，應該一開始就要講明，而唔係等個客人落order唔合餐廳心意時先講！仲要佢係好嬲咁講，真係唔知點解要俾氣客受！
呢頭落完order，唔使5分鐘啲嘢就到齊，都心知不妙。。。先睇賣相，同Menu張相係一樣，打卡一流！
個士多啤梨pancake，塊pancake仲薄過麥記果塊，我都comment唔到佢嘅味道，因為佢根本係冇味，再加上嗰啲好似屋村蛋糕店嘅人造色素士多啤梨cream，真係好睇唔好食！
另一個係souffle pancake，上面嗰塊還好，起碼厚厚嘅，但下面果塊就俾壓扁咗，極度樣衰味道就梗係冇味啦！
之前食過日本pancake，會有蛋香味，食完會好溜好飽，但呢間掛名係日本嘅pancake餐廳，食物味道欠奉，食完只會感覺自己食咗一肚氣！
成百蚊一個pancake，竟然好似茶餐廳咁到門口收銀處埋單，又係嗰位肥店長收錢，係收錢嘅過程中，呢位店長依然係黑面同啤住我，我個刻真係想開口問佢，究竟點解可以用咁嘅服務態度對客人。
咁我都當然係冇問到啦，但我以後都唔會再嚟呢度食嘢，至於閣下想唔想挑戰極度惡劣嘅服務態度同貴而無味嘅食物，就自己衡量啦！
张贴
