段純貞牛肉麵XChatime (MOKO新世紀廣場)

营业中

休息中

相信大家對呢間都唔陌生，主打多款正宗台灣料理。招牌菜為紅燒腱心牛肉麵，微微辣，唔食開都可以接受，湯底以牛大骨熬煮，半筋半肉，肉質口感軟Q，香氣滿滿。濃湯燉雞飲落滑順，味道清甜，雞肉嫩滑，老少咸宜。麵條有兩款，手工麵好厚，帶咬口，淡淡麵粉味、細麵偏軟，易沾染濃厚醬汁，各有千秋，試試無妨。小食方面推介台式滷菜，集齊各種豆同蔬菜，豆腐、菇、花生、娃娃菜等，滷至入味，鹹度適中，配飯一流。蒜粒古早台灣腸同樣出色，台灣腸外皮微脆，咬落爆汁，搭配蒜粒同酸菜可降低油膩感。飲品為仙草凍同黑糖珍珠鮮奶，配料十足，可以當甜品咁食，鮮奶香，凍冰冰好解渴。