地點：北角炮台山電氣道
菜式：台灣野
餐牌：古早台味，花蓮小鍋，花蓮地道小食，花蓮手工麵，手工拌麵，古早味薑蔥，滷肉飯便當，宜蘭鷄腿吐司，逢甲蛋餅，甜點，飲品。無加一。落單掃QR code。
1
2
1
古早鹵水拼盤 $88
古早鹵水拼盤有牛腱心兩大件，牛筋兩大件，薄身鴨血幾片，鷄翼兩隻，糖心蛋一開二同鹹菜，面頭撒上香茜。牛筋好淋，食落啖啖骨膠原；牛腱帶筋，都係非常淋，好正。
花蓮紅燒牛肉手工麵 $75
花蓮紅燒牛肉手工麵超大碗，熱辣辣上枱。有三大件牛肉，質素同古早鹵水拼盤一樣好，有湯浸完仲好食！麵條係煙韌有咬口既白色麵，粗幼度適中。個湯唔油。配有鹹菜同葱花。
慢煮烏醋豬軟骨拌麵 $75
慢煮烏醋豬軟骨分開上，大概有5件，味道酸酸地，口感嫩口，都幾好味。拌麵撈有超級多鹵肉同鹹菜，面頭加上脆口炸菜，非常重口味。
麻辣鴨血 $28
麻辣鴨血一客8件，分量好多！唔算太辣，都好脆口，面頭灑上蔥花。
淡水鹵肉刈包 $26
鬆軟白色刈包包住唔少鹵肉、鹹菜同香茜，味道口感都唔錯。
桂圓紅棗茶 加$8
桂圓紅棗茶用玻璃杯上，我叫左少少甜，應該無落糖，非常健康養生，仲有紅棗肉有得食補補血。
枱上有鹹菜比你自己加。
呢度食物質素唔錯，最緊要係價錢非常街坊價，而且無加一。環境安靜，座位舒適。
