凱聯匯 (已結業)

朋友準備離開灣仔呢個工作地區，話想呢個月努力咁尋找灣仔美食，佢就提不如今日去飲茶🥳好啊！我知道呢幢大樓有三間中菜館，其中就係呢間以粵菜為主，仲有啲精緻點心！中菜館以寶石綠為主，但有點高貴又不俗。座位都好寬闊。點心選擇都幾多，有蒸煮、煎炸、前食、粉面等等。朋友第一時間就話要食芝士荔蓉天鵝酥呢個點心係每一台都會叫😂咬一口，外脆酥香，不油膩。內裏爆滿芝士荔蓉，呢個配搭幾有新意，不錯。杞子香菇滑燒賣燒賣豬肉配上香菇，皮薄多汁，都幾滑口!蘆筍帶子餃味道清甜可口，特別清新。牛仔骨陳村粉黑椒牛仔骨入味， 底層嘅陳村粉都沾滿香味。香菇棉花雞雞嫩菇香，味道不俗。整體來講，環境都幾舒服，食物偏向清香，可以食到食物鮮味。兩人叫五六嘅點心，飲啖香茶，整天都過得放鬆寫意。