影片
更多
2017-10-28
983 浏览
昨晚和男朋友去食飯慶生, 諗住呢間咁多人食, 啲好評又多成咁, 去呢度一定冇死啦! 一早BOOK哂枱打算比個驚喜和快樂回憶....點知一去到, 嘩! 人多成咁, 位逼成咁?! 見到已經嚇一嚇!我們被安排在一格六人位... 中間的二人位上, 張枱勁細. 我坐埋邊, 真係逼到冇朋友~ 左邊係一個大媽, 基本上成個食的過程佢個手踭都不斷隊住我(不論係影相還是用餐) 本放題簿根本冇位放, 侍應就話原來有磁石可以攝係枱腳架~ 嘩, 本野咁厚, 攝完咪頂腳? 我完全唔覺有咩咁新奇, 只係個位已逼無可逼..... 呢個設計真係夠哂溫馨.打開放題簿, 都係果D啦, 但壽司/甜品選擇好少, 係我去過咁多放題最少的一間.火鍋... 唔敢叫啦, 張枱根本冇位. 要花長時間食既嘢, 係呢個場景, 好唔理智. 剌身... 唔敢叫多啦, 個盤太大, 張枱放唔到其他野所以想食多的朋友, 記得先點一樣到一樣, 除非你食嘢係極速.....仲有侍應... 傳菜砰令嘭冷, 似擲多過似傳..... 我都明白佢地辛苦, 四周太窄人太多加上太忙.... 但不僅我有hard feeling, 隔離枱都"嘩"咗幾聲.食物嚟講, 除左
點知一去到, 嘩! 人多成咁, 位逼成咁?! 見到已經嚇一嚇!
我們被安排在一格六人位... 中間的二人位上, 張枱勁細. 我坐埋邊, 真係逼到冇朋友~ 左邊係一個大媽, 基本上成個食的過程佢個手踭都不斷隊住我(不論係影相還是用餐) 本放題簿根本冇位放, 侍應就話原來有磁石可以攝係枱腳架~ 嘩, 本野咁厚, 攝完咪頂腳? 我完全唔覺有咩咁新奇, 只係個位已逼無可逼..... 呢個設計真係夠哂溫馨.
打開放題簿, 都係果D啦, 但壽司/甜品選擇好少, 係我去過咁多放題最少的一間.
火鍋... 唔敢叫啦, 張枱根本冇位. 要花長時間食既嘢, 係呢個場景, 好唔理智.
剌身... 唔敢叫多啦, 個盤太大, 張枱放唔到其他野
所以想食多的朋友, 記得先點一樣到一樣, 除非你食嘢係極速.....
仲有侍應... 傳菜砰令嘭冷, 似擲多過似傳..... 我都明白佢地辛苦, 四周太窄人太多加上太忙.... 但不僅我有hard feeling, 隔離枱都"嘩"咗幾聲.
食物嚟講, 除左選擇很少, 質素我覺得係可以既, 不過三文魚就真係麻麻, 不肥不鮮仲有筋. 另外可能人太多, 除左剌身佢地好悉心放到好靚之外, 其餘的賣相真係麻麻. 尤其可能佢地都知枱的位置太細, 幾樣立雜嘢塞埋一兜, 比足你就算.
個人好中意食放題既, 不過今次只食左一個鐘就走左啦(歷史第一次), 個嘈吵和極度擠逼的環境令我地都好吃不消. 都係一句: 以後絕對唔會再來.
题外话/补充资料：
7:00 前埋單有8折
7:30 前埋單有85折 (我地呢個鐘數埋單)
(以上食记乃用户个人意见 , 并不代表OpenRice之观点。)
张贴