影片
更多
2017-06-01
1333 浏览
好耐未試過一家人出去食飯，今次托老媽子鴻福，可以去酒店中菜廳食飯慶祝媽子生日(心心眼)！今次幫襯逸東酒店間逸東軒，聽講係米芝蓮一星，而且之前姐夫食過話好食所以今次跟佢隊去試下。一入去見到環境都唔錯，舒適feel嘅，雖然7成滿但都唔係好嘈。咁既然姐夫帶隊，就等佢發板食乜，佢話第一次黎要食下人地啲signature野，嗌左蜜汁叉燒、粉絲中蝦煲、番茄南瓜上素湯、鮮沙薑陳皮生煎雞、大澳蝦醬唐生菜、金粟帶子五穀炒飯、棗皇糕。蜜汁叉燒痴線地好食！入口即溶嘅感覺，D汁又好味，咸甜適中，又帶有少少燒烤嘅香味，好食到完全唔記得影相 (其實好多道都唔記得影….掛住食…=_=)粉絲中蝦煲D蝦好大隻又入味，精髓係D粉絲完全索晒味，但又好乾身好香非常惹味！大澳蝦醬唐生菜一攞個煲上黎已經勁香，蝦醬味十分濃郁！五穀炒飯唔好以為會好乾，其實口感適中，有埋帶子絕對係錦上添花，炒得又夠鑊氣！番茄南瓜上素湯個造型已經殺晒，番茄裡面包住嘅素菜主要係菇菌，我至愛XD 個南瓜湯好甜又夠味，兩個字:好飲！飲到刮晒底我地hahaha鮮沙薑陳皮生煎雞聽聞係阿主廚嘅拿手菜式，又係一攞上黎香到一個點，仲要D雞係我喜愛嘅雞胸，放心一D都唔會
今次幫襯逸東酒店間逸東軒，聽講係米芝蓮一星，而且之前姐夫食過話好食所以今次跟佢隊去試下。一入去見到環境都唔錯，舒適feel嘅，雖然7成滿但都唔係好嘈。
咁既然姐夫帶隊，就等佢發板食乜，佢話第一次黎要食下人地啲signature野，嗌左蜜汁叉燒、粉絲中蝦煲、番茄南瓜上素湯、鮮沙薑陳皮生煎雞、大澳蝦醬唐生菜、金粟帶子五穀炒飯、棗皇糕。
蜜汁叉燒痴線地好食！入口即溶嘅感覺，D汁又好味，咸甜適中，又帶有少少燒烤嘅香味，好食到完全唔記得影相 (其實好多道都唔記得影….掛住食…=_=)
粉絲中蝦煲D蝦好大隻又入味，精髓係D粉絲完全索晒味，但又好乾身好香非常惹味！大澳蝦醬唐生菜一攞個煲上黎已經勁香，蝦醬味十分濃郁！五穀炒飯唔好以為會好乾，其實口感適中，有埋帶子絕對係錦上添花，炒得又夠鑊氣！
番茄南瓜上素湯個造型已經殺晒，番茄裡面包住嘅素菜主要係菇菌，我至愛XD 個南瓜湯好甜又夠味，兩個字:好飲！飲到刮晒底我地hahaha
番茄南瓜上素湯
37 浏览
0 赞好
0 留言
鮮沙薑陳皮生煎雞聽聞係阿主廚嘅拿手菜式，又係一攞上黎香到一個點，仲要D雞係我喜愛嘅雞胸，放心一D都唔會鞋，腍滑嘅，D雞都去晒皮咁滯，夠健康，襯埋D沙薑呀蔥呀好惹味！
鮮沙薑陳皮生煎雞
50 浏览
0 赞好
0 留言
甜品皇糕熱辣辣軟綿綿，好香紅棗同黃糖味，好後悔只係嗌左一籠…..
张贴
