鮨逸

营业中

休息中

同朋友慶祝生日，把心一橫叫咗全最貴嘅逸omakase set ($1480)，完全冇後悔，非常高水準。昆布漬鯛魚非常清新，魷魚𠝹左花好入味，就好似用魚生代替茶去清味蕾咁。 油甘魚調味比較濃，但依然食到新鮮魚味。 石垣貝有昆布香味，軟滑爽口。椿岩蠔好有驚喜，由外貌上已經感受到日本新鮮空運既光澤感。 入口就發現酸汁都已經做多左，佢本身已經極度好食，軟腍多汁，令人好有幸福感。牡丹蝦一啖放哂入口，蟹膏同蟹肉相輔相成，爽滑彈牙嘅口感之中，又迸發出牡丹蝦獨有嘅鮮味。 即使幾貴既日本餐廳都係撞手神，有時食到粉粉地咁會好可惜，今晚完全冇呢個問題。紫海膽謀殺左唔少菲林，店員話可以同朋友交換試吓，因為每隻紫海膽都唔同味。 我拎中咗隻比較淡嘅海膽，而朋友嗰隻就超級甜，同一個價錢又完全唔同嘅感受，好彩朋友肯同我一人一半。 即使係日本當地食原個海膽都冇咁正，由殼挖出黎既感覺呃唔到人，非常新鮮。唔需要逐樣去講，因為每一啖都好鮮，一定會再黎。