Shine (已結業)

週末冇嘢做又係一班人去hea lunch既時候，朋友推介左尖沙咀嘅shine, 係一間樓上西餐廳，通常對呢啲樓上餐廳都唔會抱太大期望，但今次試過之後又發覺唔錯喎！可能間餐廳主力係做晚飯，我哋午市入到去唔係好多客人，安排左窗邊梳化位俾我哋，陽光透玻璃滲入嚟，梳化位寬躺坐得又鬆動，感覺好舒服，幾chill！坐低我哋叫咗鵝肝多士，鵝肝烤得外脆內嫩，入口充滿鵝肝油脂香味，配埋件多士，感覺一啲都唔油膩！個個都話好食！我哋仲叫咗個粗薯條同埋蟹餅，味道都唔錯，可惜份量就比較細。主食方面叫咗個墨汁海鮮意大利飯同卡邦尼意粉，墨汁海鮮意大利飯一上枱就有「哇」一聲嘅感覺，材料好足，Presentation又靚，好快就俾我哋K.O.左。另外卡幫尼意粉都唔錯，我好鍾意佢個汁夠杰身，食落有濃厚嘅忌廉同蛋香味，每一條意粉都可以掛到啲汁。仲有叫咗個ribs, 味道普通啦，通常食ribs我都冇太大期望，最緊要唔好食都係烚熟再燒嘅已經好好～咁Hea嘅地方點可以唔叫返個甜品，不過我就唔係好記得叫咩名，都係賣相靚，總括來講呢度味道唔錯，但部份菜式份量偏細，相對價錢較高，偶爾可以試吓嘅～就係咁hea下hea下又一個週末