寶哥火鍋味館 (已結業)

連假三日，其實第一日已經打左邊爐，食左麻辣鍋，奈何朋友邀我聚會，又話訂左呢間火鍋嘅套餐想試下，先捨命陪君子，連打兩日邊爐。打鑼咁早黎到餐廳，本來以為冇乜人，點知都坐左七成滿，估唔到有咁多人同我一樣，六點鐘食飯被安排到卡位位置，相當闊落，買左一袋二袋野都放得落，坐得舒適，不過梳化椅就未免有點殘舊。店員服務有善、介紹套餐呢個餐包括刺身拼盤、5款時令海鮮、美國牛肉、自家製手打三寶丸、任飲啤酒汽水，當然仲有多款配料任食3個鐘，真心夠哂，價錢約二百零蚊，食過之後就覺得質素還好嘅。任食嘅餐牌選擇都算多，牛肉、肥牛、黑豚肉、羊肉片，超過廿幾款蔬菜什菌、豬潤、鵝腸、鯇片、丸類、餃類、麵食等，其實都係啲普通火鍋任食會供應嘅食材。醬料湯底方面有12款，例如雞煲、沙嗲、豬骨、蕃茄牛坑腩、椰子、胡椒豬肚湯等，揀黎揀去選擇比較穩陣大路嘅胡椒豬肚湯。入面都有十件豬肚，不過就略嫌韌啲；湯底都有胡椒味，唔會太重口味，淥下菜都會幾入味。刺身、和牛供應啲乜視乎供應，當日刺身有希靈魚、吞拿魚、魷魚、赤貝、左口魚、北寄貝、甜蝦、八爪魚；和牛刺身兩件。海鮮有蠔、鮑魚仔、帆立貝、海蝦、魚肉、蚌，味道交到功課。生蠔淥完都仲幾大隻；