Coffever (已結業)

Coffever咖啡熱位於銅鑼灣Times隔離，一聽個店名就知道係主打咖啡的！內裡是文青風，簡約時尚，予人舒服自在的感覺！Hand Drip是日嘅Hand Drip咖啡豆係黎自埃塞俄比亞的，全人手沖泡，沒有經過機器的加壓和濃縮，濃度不算高，完全唔需要加任何奶或糖，就算夜晚飲都唔會訓唔著，一壺夠兩至三個人Share！這壺Hand Drip帶較重的果味，味道清幽，熱飲的時候會帶一點點酸，有點像檸檬的清新；溫度稍降的時候，味道會稍為轉甜，對於作為咖啡門外漢的我來說，非常特別！慢煮鴨胸伴蒜香意粉賣相精緻，份量亦不少！意粉入口滑溜但唔油，蒜的份量啱啱好，惹味得黎又唔會食到有口氣！鴨胸呈幼嫩的粉紅色，經過先煎再慢煮然後再煎。經過二煎一煮的處理後，鴨胸肉質非常軟嫩，味道濃香，而且完全唔油膩，勁正！慢煮安格斯腹肉牛扒伴薯蓉份量特多，成隻碟塞到滿晒！沙律用上了黑醋汁，酸酸地幾開胃。薯蓉不是開粉的，有很多薯仔的顆粒。胸肉雖然很瘦，但經過慢煮處理後，肉質軟腍，而且味道被濃縮了，牛味更見突出，不愧為招牌主食！