貓之眼

营业中

休息中

一間蛋包飯專門店，喱到特色係雙拼汁同漢堡扒，當漢堡扒放起蛋包飯上方就形成貓之眼啦👁。我去時，正值下午2點40分，佢地就黎關門休息，但都好好放我入黎，比我坐到3點30。但漢堡扒已經叫唔到，幸好比我叫到最後一份燴牛汁。.咖喱豬肉+燴牛肉汁蛋包飯（$88）一黎就有雙重香味，兩個汁都好濃郁。個燴牛肉汁真係好正，牛味濃，牛唔un。啲洋蔥香甜，爽而唔太腍，冇煮太耐，控制得好好，而且入味。燴牛肉汁嘅風光真係搶左咖喱豬肉。但咖喱豬都好食。蛋包飯個蛋真係好香滑，厚薄剛好，雖然入面個飯冇用咩野加炒，但因為有雙汁拌黎食，真係剛好，唔會膩。食曬啲飯，啲汁都用曬，超正。喱個份量如果要埋漢堡扒真係大胃王嘅份量。好飽。好滿足。