Superhooman (已結業)

因為係新cafe?因為係Pet-friendly?因為裝修夠獨特而又帶點工業風？如果你係喜歡以上嗰3種原因嘅話就可以排隊一試。老實講，雖然裝修確實係幾潮，但係地方真係有啲窄，枱與枱之間嘅距離又近(有用膠板做隔離嘅)，感覺一啲都唔relax。⁣食物選擇有沙津、甜品、熱狗、多士、egg benedicts等。另外有供應多款飲品。⁣我覺得食物水準屬於正常，但價錢偏貴。無可否認店內係有打卡位，而某啲食物係IG-able嘅。不過呢啲並唔係我主要會幫襯一間cafe嘅原因。⁣▫️The Superhooman Vegetarian (HKD118) - 呢個all day breakfast 特別在係素食 - 唔係好多cafe會供應素食版本。⁣▫️琉球 Shi-Sa (HKD52) - 係店內嘅signature drink - 味道似有氣水果茶加甜版，好彩有啲酸酸哋嘅berries 可以咬吓、中和吓啲味道。