影片
更多
2020-03-17
154 浏览
📍瀛豐放題料理專門店 (銅鑼灣)🔍銅鑼灣駱克道491-499號京都廣場10樓-----最近WFH work到覺得自己有d自閉，需要去啲熱鬧少少嘅地方鼓動一下自己，釋放下啲久未釋放嘅energy。而食放題就係一個釋放身心嘅好活動😈。呢間放題店主打日、泰菜。假期、平日及不同入場時間嘅價錢都會唔同，大概由$179-$239不等，額外加$118就可以升級任食生蠔同海膽帶子。環境方面，場地唔算太大，位同位之間嘅行人空隙，係放題店黎講算係唔逼。B仔同屋企人週五7點黎到已經爆滿，好彩我地有預訂如果唔係都冇位，所以大家如果有興趣記得book位先黎。-#生蠔：🦪特登加左錢食生蠔梗係要盡情咁食啦 ，我地一共叫左三輪，每輪都無漏單，隻數亦無比少，抵讚👍🏻。呢度嘅生蠔肥美大隻，入口金屬味唔係好重，帶微微的海水味，蠔味說不上濃郁，但亦不淡，口感介乎爽同creamy嘅中間，任食黎講質素算可以，性價比唔錯。-#海膽帶子：豐腴雪白嘅帶子夾住橙黃色嘅海膽，一盤數十粒擺放埋一齊，非常適合影相打卡🤳🏻。帶子入口質感厚嫩，加埋中間嘅清甜海膽，一個人拍返10粒8粒落肚都完全冇難度。😏-#刺身拼盤：佢哋嘅刺身，可以散叫亦都可以成
🔍銅鑼灣駱克道491-499號京都廣場10樓
-----
最近WFH work到覺得自己有d自閉，需要去啲熱鬧少少嘅地方鼓動一下自己，釋放下啲久未釋放嘅energy。而食放題就係一個釋放身心嘅好活動😈。呢間放題店主打日、泰菜。假期、平日及不同入場時間嘅價錢都會唔同，大概由$179-$239不等，額外加$118就可以升級任食生蠔同海膽帶子。環境方面，場地唔算太大，位同位之間嘅行人空隙，係放題店黎講算係唔逼。B仔同屋企人週五7點黎到已經爆滿，好彩我地有預訂如果唔係都冇位，所以大家如果有興趣記得book位先黎。
-
#生蠔：🦪特登加左錢食生蠔梗係要盡情咁食啦 ，我地一共叫左三輪，每輪都無漏單，隻數亦無比少，抵讚👍🏻。呢度嘅生蠔肥美大隻，入口金屬味唔係好重，帶微微的海水味，蠔味說不上濃郁，但亦不淡，口感介乎爽同creamy嘅中間，任食黎講質素算可以，性價比唔錯。
-
#海膽帶子：豐腴雪白嘅帶子夾住橙黃色嘅海膽，一盤數十粒擺放埋一齊，非常適合影相打卡🤳🏻。帶子入口質感厚嫩，加埋中間嘅清甜海膽，一個人拍返10粒8粒落肚都完全冇難度。😏
-
#刺身拼盤：佢哋嘅刺身，可以散叫亦都可以成個拼盤咁叫，一個拼盤入面包含多種刺身🐟，例如有「#珍寶赤蝦、#三文魚腩、#油甘魚、#希靈魚、#北寄貝、#八爪魚、#鮑片、#馬刀貝、#北海道角螺、#赤貝 同#象拔蚌」等等，豐富嘅拼盤連埋乾冰一齊上，上桌嘅時候自帶飄煙嘅仙氣效果，非常壯觀，齋睇都令人未食先興奮☺️。刺身水準上，大致都新鮮無腥味，尤其係三文魚腩，魚脂味極重。但要留意嘅係B仔發現如果單點三文魚，廚房就會俾普通三文魚，但order刺身拼盤就會俾魚腩位置😆，無得單叫魚腩呢一點有少少扣分😂。
_
#紫心香芋丸：呢款放題必食嘅經典炸物B仔又點可以放過😋。雖然暫時間間放題嘅紫心香芋丸我都中意，但呢間嘅香芋丸就炸得特別軟糯，將外脆內軟嘅精髓發揮到極致，而且外層明顯有用吸油紙吸過油，令香芋丸嘅表面乾爽唔油膩。😁
-
#泰式冬陰功：呢度有別於其他放題，佢哋有好多泰式食物選擇，例如#泰式生蝦、#泰式鳳爪、#炒金邊粉、#泰式魚餅、#青木瓜沙律 同#飛天通菜等等......而冬陰功就非常濃郁且足料，酸酸辣辣好醒胃，飲完一碗令人胃洞大開😆，可以食更多野啊！🥢
-
「補充」：
✨掃QR Code點餐，好環保，值得加分。
✨場內設置自助區，自取飲品及甜品。
-----
👶🏻B仔整體評價：7.6/10個👍🏻
👶🏻B仔抵食程度：7.5/10個👍🏻
👶🏻B仔環境評分：7/10個👍🏻
👶🏻B仔味道評分：8/10個👍🏻
👶🏻B仔回頭機會：8/10個👍🏻
-----
#swallowhongkong
跟住我一齊吞食香港啦！🤤
#swallowcwb
张贴
