影片
更多
2019-12-15
157 浏览
之前都有聽過樂師傳大名，知道佢係鐵板燒界都有點名堂，不過一直都無的起心肝去試下佢手勢，近期俾佢推出的18層海膽杯吸引左，一向係海膽迷的我終於決定搵日去試下。Ｓ２鐵板燒係佐敦渡船街，交通方便，位置不在大街，係一條細街入面，環境比較清淨，不過兩邊街都有食肆。但不難前往。店舖面積不大，所以要棒樂師傳場就要早點來。六時開門，當天我太興奮，早了１５分鐘到達，但他們都歡迎我入內坐坐。我選擇了坐到鐵板燒前的位置，因為可以近距離看大師傅樂師傳表演。一坐低，店員立即奉上柑橘茶，將熱水沖落原粒柑橘中，立即有陣陣香味，先嘗一口，清一清口腔的味道，預備迎接一會的美食。而食住鐵板燒，飲住微酸而帶甘的柑橘茶，幫助解膩。首先，不用思考的一定係叫個１８層海膽杯！原價$498, 而家係$368咋。我一向係海膽控，點可以唔叫返杯。而且呢個招牌充滿創意，海膽杯一上枱超吸睛，個個客人都望過黎，我都唔輸蝕，立即自拍影張靚相先。海膽杯最頂層係即燒白飯魚脆片。下面都係高級食材，例如：黑魚子、北海道粒貝、北海道牡丹蝦、凍磯煮鮑魚、北歐花膠、三文魚子等等，當然唔少得就係主角北海道直送紫海膽，仲有四大舊咁多！ 海膽好新鮮，鮮甜得黎又好滑
Ｓ２鐵板燒係佐敦渡船街，交通方便，位置不在大街，係一條細街入面，環境比較清淨，不過兩邊街都有食肆。但不難前往。店舖面積不大，所以要棒樂師傳場就要早點來。六時開門，當天我太興奮，早了１５分鐘到達，但他們都歡迎我入內坐坐。
我選擇了坐到鐵板燒前的位置，因為可以近距離看大師傅樂師傳表演。一坐低，店員立即奉上柑橘茶，將熱水沖落原粒柑橘中，立即有陣陣香味，先嘗一口，清一清口腔的味道，預備迎接一會的美食。而食住鐵板燒，飲住微酸而帶甘的柑橘茶，幫助解膩。
首先，不用思考的一定係叫個１８層海膽杯！原價$498, 而家係$368咋。我一向係海膽控，點可以唔叫返杯。而且呢個招牌充滿創意，海膽杯一上枱超吸睛，個個客人都望過黎，我都唔輸蝕，立即自拍影張靚相先。海膽杯最頂層係即燒白飯魚脆片。下面都係高級食材，例如：黑魚子、北海道粒貝、北海道牡丹蝦、凍磯煮鮑魚、北歐花膠、三文魚子等等，當然唔少得就係主角北海道直送紫海膽，仲有四大舊咁多！ 海膽好新鮮，鮮甜得黎又好滑。
除左海膽杯之外，餐廳內的餐牌主要係一人前。我中意食牛，所以就叫左薄燒牛肉北海道二本蟹爪（$450）。呢個係一人份量，入面有9到10道菜，非常夠飽，真係食到棒住個肚走。
首先係前菜，有煙鴨胸沙律，麻醬沙律同滑豆腐好食又開胃。北海道3點刺身盛合，有三文魚牡丹蝦同北寄貝。點解佢地Ｄ刺身可以咁新鮮嫁，又肥美鮮甜，好好食！
跟住到主菜，
首先食西京醬煎煮銀雪魚
見師傅先用火槍將靚靚花盤內嘅甜麵豉醬燒香，同時將銀雪魚係鐵板上煎香。第一次食西京醬，甜甜地同銀雪魚好夾，而銀雪魚好嫩滑。
北海道二本蟹爪同芝士流心和牛漢堡扒係同時上枱。松葉蟹爪仲有海水鹹味，鮮甜多汁，蟹肉肥味，正！芝士流心和牛漢堡扒好厚身，有二塊，一切開和牛扒，香滑芝士流出黎。
澳洲薄燒牛肉，樂師傳先將先將蒜片煎香，再加大量蔥花，將兩者放入薄燒牛肉片上面再捲起。牛肉片很薄，所以煎一煎都已經夠熟，又好香口。師傅仲會好細心咁切開一半，一口一件，一啖食落去又嫩滑又充滿肉汁，而且蒜片同蔥花並沒有搶去牛肉香味，反而增加層次感。
食完主菜，就開始炒飯。睇得出樂師傳好俾心機炒飯，不斷炒炒炒令飯粒好乾身，粒粒分明，又唔會油膩。S2特色黃金炒飯中仲可以係蟹籽/三文魚/黑松露/蟹膏/鵝肝/鰻魚/牛肉/煙肉 選一款配料。唔中意食炒飯仲可以揀野菜炒拉麵，不過建議食炒飯，真係炒得好出色。
仲有個焗雜菌，菇菌類好食，味道唔濃，可以中和返前面幾道肉食。
S2鐵板紙包花膠蜆湯 ~ 好特別，湯包先放在一個透明膠袋，頂部紮住，再放在鐵板上燒滾，上枱時再剪開膠袋頂部。湯內有蜆、昆布、豆腐、鮮冬菇和秋葵。湯好清甜，鮮冬菇好味，豆腐滑，蜆帶少少鹹鮮，都幾好飲。
食完真係好滿足，攬住個肚仔係屋企。
张贴
