海逸皇宮大酒樓 (已結業)

公司d Temp Clerk 做埋18號就要走啦,只留到2個 Temp Clerk 去新合約繼續做,公司唔係唔請佢地呀,而係人各有志,有d轉行,有d讀書,咁又係既,留係度做咩!點做都係 Temp Clerk,冇前途.人地走,我地呢班同事當然要夾錢歡送佢地啦,我地既上司選咗漁人碼頭裡面既海逸皇宮大酒樓.記得今年食開年飯又係去呢度,我地17個同事都係食咗9百幾蚊,當然上司請,嗰陣已經覺抵食.但今次是大家夾錢,所以咁既價錢應該岩我地d打工仔啦,因為太貴俾唔起 去到,我地張枱係望住個海,個view都唔錯,食野都會舒服d,跟住坐低我地第一時間當然睇有咩點心岩食啦,見到有張過咗膠既粉紅色單張,上面寫住每日特價篇,我地望一望,見到今日特價既食品真係好抵喎,今日有咩特價 :-除咗蟹籽燒賣皇叫了三籠外,其它我地每樣都叫了一客,提一提今日做特價既 菜心肉片炒麵,同蝦乾魚滑翡翠窩都好大碟,唔會因為平咗而細碟咗,而蟹籽燒賣皇$6.8 四大粒,咁先叫抵食嘛.都值得一去.十一個人食咗600蚊,我地8個人請3個,所以每位要收$75蚊.