影片
位于红磡海逸道8号海逸坊的海逸皇宫大酒楼，如果坐窗边的话，这里可以看到海景，家人很喜欢到这里晚饭。今晚叫了三个𩠌，味道不错！1）脆皮炸烧鸡：炸得非常香脆，鸡肉肉质算嫰。2）排骨二弄：一碟排骨用了两种煮法，分别有酸甜及椒盐，叫一个𩠌就有两种口味，抵食！3）清蒸海上鲜：这条鲜鱼味道不错！
继续阅读
与市区的餐厅比较，这间算系咁啦虽然食物味道不是超凡，因价钱不是太贵，所付出与回报是正比例，食物标准就预咗系普通酒楼Standard，不过不失，晚市有啲𩠌菜都几好味，真的不是太差。如果比起$300饮一歺茶，又贵又食唔饱，性价比低，食装修为主，我就宁愿比平啲，水准不是太差嘅食物，费事劳气环境宽敞楼底高，唔系好靓，不过开阳。员工态度，就睇吓边个炒散返工，撞彩吧！
继续阅读
今天星期日，同屋企人小朋友一齐去附近饮茶，谂住近近地行10分钟便来到海逸皇宫，一入到门口接待处位置完全冇人理会，只看见有枱员工在吃饭。我哋都要示意我哋要找位置，员工远距离叫我哋自己揾位坐，我哋坐了下来，等咗一阵都冇员工过嚟，咁我哋都要叫开茶，同埋都要拿多一份碗碟，见到有个女员工经过，都唔知佢听唔听到行过咗就算，一个回答都冇。真系劲冇礼貌，个个都十问九唔应！到底系间酒楼请唔够人定系啲员工Hea做？真系劲无奈，原本谂住开开心心饮餐茶，今次系第一次来，亦都系最后一次。
继续阅读
疫症期间免得出外同人逼，近近哋去海逸皇宫大酒楼晚饭，可能近工厂区，晚上人吾多，地方阔大。带了生日蛋糕不另收费。食物方面：脆皮烧鸡香嫰，特价98蚊一只抵食，菠萝咕噜肉好味，芥兰炒腊肉惹味，饭后还有蕃薯糖水送，整体食物唔错，值得再去。
继续阅读
公司同事午饭茶聚，全部点心都系虾，哈哈哈！海逸虾饺皇，雪白劲厚饺皮。原只虾烧卖皇，一咬即散不够结实，虾鲜爽肉甜美，偏肥味道可以。黑椒金钱肚，膻嗅味强烈，黑椒都遮掩不了，质地非常软棉。蒜香蒸排骨，肥到入唔到口，旧旧都肥腾腾，晶莹剔透的肥膏要咬走晒，只得两成系瘦肉，味道非常油腻。上汤鲜竹卷好淡，北菇棉花鸡正，蚝皇叉烧包平凡。鲍汁凤爪，炆鸡脚都已经烂晒，非常入味，浓到有点浊，肉嫩滑微胶合格。原只鲜虾肠及布拉白肠粉，一试无妨。香芋虾春卷，有 9 成都系芋蓉吃不到虾肉。脆皮烧腩仔，完全唔脆劲肥劲多肥膏。酥炸素鸭，豉油味重略咸，不吃也罢！佛山熏蹄，自家醋超好味，熏蹄肉劲弹，十分有咸香食得津津有味。XO 酱炒肠粉，非常香口微辣热腾腾好好食。烧肉汁鱿鱼须，烧肉汁？劲甜照烧酱。菠萝京都骨，放左几耐架？冻冰冰杰挞挞衰过三𩠌饭。上汤芥兰，甜美爽嫩。皮蛋瘦肉粥，味道怪怪的。牛柏叶，爽中有点韧，切得唔好，连住成排过，有姜葱味都不错，用乌冬底几有趣有创意。上素粉果、叉烧肠粉、鲜虾豆苗饺，免强可以。干烧伊面，湿淋淋腍腍的，淡茂茂没怎样味道，狂捞豆瓣酱是但清掉。瑶柱蛋白炒饭，黑妈妈颜色阴沉既？无洗镬吗？镬气系有少少，不过炒得湿烂，色香味低于水平。
继续阅读