小肥羊 (已結業)

星期六捉左爸爸媽媽細妹同佢男友做白老鼠，同我試呢間野，我相信我去過一次之後唔會再去，雖然食物水準唔錯，但實在安排座位時太混亂同服務唔好。我去時到門口企滿人，好彩我訂了位一早有位坐，嘩!一上到去，有好多吉位但又唔俾樓下d人坐，佢o地d安排真係非常唔好，而且態度又唔多好，尤其是有兩三個經理級的，好似愛理不理態度。講番正題，火鍋湯底要鴛鴦湯即係清湯+麻辣，清湯略咸、麻辣好夠辣(只有辣沒有麻感覺)，非常之夠味，真係完全唔駛點調味料，我信相佢應該落了唔少味精。話明小肥羊當然會食羊喇，要了一碟羊里肌肉及一碟肋腹肉，里肌肉好有質感，而肋腹肉切得太薄，一熟就散。羊肉水餃與普通水餃沒有分別，只是多了一陣羊羶味。另外其他火鍋配料亦不外如是，只講下較特別的幾款。羊肉丸拼雙丸(墨丸+蝦丸)，三款都是手打，但沒有驚喜，羊肉丸與羊肉餃及羊肉小籠包內面個舊肉沒有分別；肥羊粉原來係用薯粉做，外型似較硬身河粉，熟後好滑好煙韌幾得意；凍豆腐比一般鮮豆腐較爽口，口感似齋鹵味d素雞。除了火鍋外，還點了幾款熟食，烤羊肉串及烤羊里肌條各3串，落了太多孜然粉及辣椒粉，只食到這兩種香料味，失去了本身羊肉味。自認食小籠包專家的老公，話